بسم الله الرحمن الرحيم

السلام عليكم ورحمة الله وبركاته يا بمباويات

دلوقتى ياجماعة انا فكرت اننا نعمل ورشة كروشيه هنا ف النجع

واحدة تسالنى يعنى ايه ورشة هقولها الورشة زى المدرسة المفروض ان فى واحدة هتعلمنا

واحنا هنطبق وهنمشى معاها خطوة بخطوة لغاية اما نبقى بروفيشنال

انا عارفة ان الدراسة بدات تانى والناس هترجع تتشغل بس بجد ياريت محدش يقولى كدا لانى هيجيلى احباط

واحنا ممكن نعالج الموضوع اننا نخلى الدرس يوم الجمعة او الخميس وباقى الاسبوع نطبق

اصل متقنعونيش اننا هنزاكر طول الاسبوع ولا ان مفيش وقت فراغ


طيب نرجع لموضوعنا والمشكلة اللى ممكن توقف الفكرة كلها

اننا عايزين واحدة تعلمنا وتكون المسؤلة عن الورشة بس طبعا لازم تكون محترفة وتقدر تفهمنا

وتبدأ معانا من الصفر لان انا للاسف معلوماتى محدودة واخرى انفذ الغرز بس معرفش اعمل حاجة بيها

ومش شررررررررررررررررط تكون واحدة لو فى كتير يبقى خير وبركة بس يقولولنا هم مين الاول

انا عارفة ان فى كتير نفسهم يتعلمو كروشيه وبصراحة الدروس كدا مش كفاية احنا محتاجين حد يعلمنا

وبعد ما نتعلم ان شاء الله نبقى نطبق الدروس اللى ف الركن

اهم حاجة دلوقتى ربنا يكرمكم يا بنات

لو واحدة بتعرف تشتغل كروشيه كويس ياريت متبخلش علينا وتعلمنا وان شاء الله لو لقينا اقبال كبير

ممكن نقنع صيحو يفتحلنا ركن مخصوص للورشة

وياريت اسمع اقتراحاتكو ونشوف كدا هنعمل ايه مع بعض