انا عملت الموضوع ده مخصوص عشان مشكلة غلاء الاسعار ودبح الجزارين للحمير بدل البقر وكده يعنى


وطبعا الناس المصريين الشعب المصرى الجميل بياكل ولا همه


(وانا اللى بقول ذكاء الشعب المصرى دا جايله منين؟؟ اتارى من كتر اكل لحمةالحمير )




الصبى:-


تعلن محلات كل وبرطع عن توافر الوجبة الجاهزة (حصاوى تك) مع مشروبك المفضل


(برسيمو كولا) وشعارنا (ارفس بخفة ودلع )





احمد ومحمد سمعوا الخبر دخلوا المحل جرى



احمد:-


اللحمة هنا رخيصة اوى وحلوى اوى


محمد :-


انا زبون مستديم هنا خصوصا ان المشاهير بياكلوا هنا هما كمان


الصبى بيقول للجزار :-


الناس مقطعة بعضعها علينا واللحمة عجباهم اوى



الجزار:-


اوعى ياد يكون حد حس بحاجة؟؟؟؟




احمد بيقول لمحمد:-


من ساعة ما كلت هنا وانا بيحصل لى حاجات غريبة


تخيل طلع لى ديل؟؟؟؟؟


ورحت للدكتور ادانى مرهم بس مجبش نتيجة رحت له تانى قالى قشطة


يبقى السبب نفسى يا حلو



محمد:-


هى الاسعار مافيش غيرها تعبت نفسية الواحد


طيب تعرف الجدع اللى قاعد هناك ده؟


دا من احد المسئولين عن الاسعار (عجبى)


الصبى بيقول للمسئول :-


نورت المحل يا باشا طبعا طلبك زى العادة مخ ومعاه عصير برسيم



احمد لمحمد :-


هوا كل يوم كدا بيجى هنا ياكل ويمخمخ لنا فى الاسعار


محمد:-


بص بص يا سلااااااااام (تعبان عبد المعين) المطرب المشهور داخل من باب المحل


اظاهر انه بياكل هنا هو كمان



تعبان عبد المعين بيقول للصبى:-


ها حضرت لى الشربة اللى قلت لى عليها؟؟؟؟؟


الصبى:-


طبعا شوربة الحناجر دى متوصى عليها مخصوص لتقوية الحنجرة


وعندك واحد شوربة حنجرة حصاوى وصلحو


احمد بيقول لمحمد:-


مش ممكن لقيت حدوة حمار فى الاكل!


محمد:-


مبروك عليك قشطة يا عم روح رجعها بسرعة عشان تكسب وجبة تانية مجانا (حمار)




المسئول بيقول للصبى:-


انا طلبت مخ ب 2 جنيه وكباية عصير ب 1 جنية


نخصم منهم 4 جنية ضريبة مفترية


نضيف لهم 15 % علاوة مهلبية


على نص حاصل ضرب التامينات


يبقى حسابك 50 جنية خد ادى ورقة ب 13 جنية وخلى الباقى عشانك (من اثر الاكل)



الصبى بيقول للجزار:-


اللحمة خلصت يا معلمى ادبح واحد تانى؟؟؟؟؟


الجزار:-


بس بسرعة ياد


وكالعادة البوليس جه فى الوقت المناسب (يا دوب بعد فوات سنين من افتتاح المحل والشغل بقا اليسطة وعال العال والمحل اتشهر والشعب يا دوب ماشى ينهق فى الشارع والبوليس جاى وفرحان اوى وفاضح نفسه فى الشارع ب ويى ويى ويى بتاعته دى)


الضابط بيقول للعساكر بتوعه :-


شمعوا المحل وفتشوا المطبخ حتة حتة



العسكرى للظابط:-


تمام يا فندم ظبطنا المجرم ده بيدبح حمار


الصبى:-


برئ يا بيه


الضابط:-


جرجروهم ادامى ع القسم



وطبعا راحوا النيابة كالعادة وطبعا كلنا بنثق فى نزاهة القضاء المصرى ونزاهة القضاه



الجزار بيقول للقاضى مدافعا عن نفسه:-


مظلوم يا باشا الحمار هوا اللى ضحك عليا وفهمنى انه بقة


القاضى ناطقا بالحكم:-


حكمت المحكمة بالافراج عن الجزار وصبيه


وحكمت بالسجن المشدد على الحمار المذكور لانتحاله شخصية بقرة


رفعت الجلسة




هى دى الحياة اللى فى مصر


لو الميا اللى فى نهر النيل كلها اتجمعت عشان تكفى نعمل بيها الصلصة للكوسة اللى


فى مصر مش هتكفى
____________________________