أنا لما بشوفك في طريقي ولو بالصدفة
باستااااااااااء
بحس وقوفي معاك بعناااااااء
وفي حالة لما حوارنا يطول
ودني بترفض رنة صوتك
بلقى عنية بدون ما أقصدها بترمي بعيد
رافضة تشوفك
وفي إسلوبك .. رغم لباقته
وفي هندامك .. رغم أناقته
بلمح شخص في وشه غباااااااااء
شيء رباني أنا مش برتاحلك
ولا بستمتع لما اسمعلك
وإن كان رأيي يهين في كرامتك
بس تأكد إنك تافه
متجرد من أى وفاااااااااء
وإن تسألني .. ؟
ليه أنا عارف كل ده عنك .. !!
ورغم ده كله لسة مصاحبك .. ؟
لو تسمحلي ممكن اجاوبك
سببي الفعلي
في جملة قديمة قالوها زمان
لو دلوقتي ماعزتش وشك ..
جايز بكرة أحتاج لقفاك