الصراحه قبل ما اكتب اى حاجه
مكنتش متصور انى كلامى وشعرى هيعجبكم
للدرجه دى
بس بعد ما شفت ردودكم فى موضوع
انت عليك تختار وانا عليا انفذ
قررت اكتب الخمس قصائد
فى موضوع واحد
علشان متقولوش انى غاول اتعبكم معايا
واسف مليون مره ان كنت زعلت حد منى
يلا بينا نبدأ
ـــــــــــــــــــــــ
القصيده الاولى
( انا سايب الدنيا علشانك)
انا سايب الدنيا علشانك
ماشى مش طالب حنانك
اوعاك تفكر انى
ماشى حاسس بضعفى
دنا ياما قلى قلبى
المكان مهوش مكانك
انا سايب الدنيا علشانك
سبت صورك
اوعاك تفكر انى خدها
وكل حاجتك
موجوده عندك انا سبتها
مش عايز فى غربتى
الاقى دمعتى
وصوره تفكرنى بيك
صورى لسه عندك
قطعها وانسى حبك
اللى ساب الدنيا ليك
واخرج بقى ودور
على واحد تانى غيرى
اكيد هيجى يوم
ويشوف بردو مصيرى
ويسيب دنيته علشانك
انا ماشى مش طالب حنانك
ــــــــــــــــــــ
القصيده التانيه
( كل مره)
كل مره امشى وارجع
والقى نفسى بتوجع
واقول يارتنى اودع
الحياه
بكيت كتير على حياتى
مش عارف انسى اى ماضى
بصرخ دايما وانادى
واقول الاه
طب عيش ياقلبى عيش حزين
واوعى تحلم بالمستحيل
والفرح انساه
ولو عايز تمشى امشى
ارجوك ياقلبى مترجعشى
علشان متنجرحشى
من جديد
طول حياتك عايش لوحدك
كل جرح فى سكه وخدك
وانت من طيبه قلبك
متحمل كتير
( بجد والله العظيم متحمل فوق طاقته وطاقه البشر)
ــــــــــــــــــــ
القصيده التالته
( قسمتى)
بحب انسانه واحده
ومعاها بحب غيرها
لكن قسمتى كانت
كانت مع واحده تانيه
وعشت معها السنين
لكن سهران الليل
وايه الفايده تانى
ما خلاص راحو الاتنين
وحولت انساهم
لكن ده صعب
حلمى اكون ويااهم
ونجدد ليالى الحب
لكن ذنبها ايه
علشان اظلمها معايا
قلبى الحق عليه
ظالم من البدايه
ومدام مبحبهاش
ليه مصرحتهاش
وقولها على الحقيقه
بانى فى واحده تانيه
ــــــــــــــــــــ
رابع قصيده
(انا بحب مين)
انسانه واحده وحبيتها
والتانيه بقول انى نسيتها
والتالته عايشه علشانى
والرابعه دايما فى سيرتها
وانا بحب مين
معرفش بحب مين
الناس تعيش بقلب
وانا عايش بقلوب كتير
وانا ابقى مين وسط البشر
بحس بفرحه ودمعه والم والم
والحب مكتوب ليا القدر
بس قلبى ياما انهزم
خايف لنجرح من تانى
واشوف قلبى من الحب يعانى
فقلت احب واعيش معاهم
وابقى فى حبى انسان انانى
**
بلاش اكمل
ياريت توفقوا
ـــــــــ
خامس واخر قصيده
كتبتها بدموع العين هى اهداء منى لشعب غزه
( عايشين اغراب)
الاحتلال
سجن وظلم ونار وعذاب
والزمان
يشهد اننا عايشين اغراب
الدموع البريئه تملى نازله مننا
والوطن طرح ثماره بدمنا
يارب عينا
علي ظلمنا
وحقق حقق حلمنا
نحلم نلاقى الشمس طالعه
والندى يملى الشجر
وايد تمسح دمعه نازله
على خد ام البطل
ام الشهيد
اللى ادا روحه للبلد
اللى مات فى سبيل
يرجع ارض الوطن
مش نلاقى احتلال
سجن وظلم ونار وعذاب
ويشهد علينا الزمان
اننا فى بلدنا عايشين اغراب
الشوارع بقت مخيفه
والوطن اتغير ملامحه
اتمسح من على الخريطه
من كتر الدمار اللى شايفه
وضااااااااااااااااااااااا اااااااااااااااااااااااع
ضاع منا المكان
اللى كان لينا امان
والوطن اصبح سراب
والقلوب شايله العتاب
علي ساكت على الدمار
واااااااااااااااااااااااا ااااااااااااااااااااااااه
اه من الخوف لما يتمكن مننا
خايفين يضيع وطنا ويضيع حلمنا
وتموت اطفال بريئه
بحيااااااااتنا كلنااااااا
ونفضل فى احتلال
سجن وظلم ونار وعذاب
ويشهد علينا الزمان
اننا فى بلددنا عايشن اغراب
ــــــــــــــــــــــــ
انا كده نفذت وعدى
اتمنى متزعلوش منى
وعايز بجد اعرف رأيكم ايه فى كل قصيده
مع تحياتى
جمال البحراوى
من غير كلمه ساحر
( شاعر بلا مستقبل)