السلام عليكم


ازيكم يا نجعاويه بعيد عن القصص والحكاوى اللى بحكيهالكم

قلت النهارده كده نعرف حاجه جميله انا فكرت فيها ولقتها جميله اوى قلت لازم اعرفهالكم

هيا عن طلاقه القدره


يعنى ايه طلاقه القدره ومن له طلاقه القدره وايه هيا الامثله على على طلاقه القدره
احكيلكم باذن الله


ظلاقه القدره هى المقدره على فعل اى شيء فى اى وقت وكمان القدره على عمل الشيئ وضده من غير ما يتعارضا او يتضادا او يتنافا

وطبعا اللى له طلاقه القدره المطلقه هو الله عز وجل وتعالى شأنه

طيب ايه هيا الامثله
ربنا يقدر يعمل الحاجه وضدها فى نفس الوقت او فى اى وقت تانى على حسب مشئيته

مثلا تعالوا كده نقرا القران

مش ربنا قال لسيدنا موسى كليم الله

اضرب بعصاك البحر فانفرق فكان كل فرق كالطود العظيم
هنا الطود يعنى الجبل يعنى ياموسى اضرب بعضاك البحر فتحول البحر لجبل من حجاره على كل جانب ومر موسى بين الجبلين ونجا من فرعون وقمه انهم كانوا قوما ظالمين
دى نقطه وخليكم فاكرينها

تانى نقطه برده

الم يقل الله لموسى حين استسقاه قومه قال اضرب بعصاك الحجر فانفجرت منه اثنتا عشرة عينا

واقروا معايا
سوره البقره

واذا استسقى موسى لقومه فقلنا اضرب بعصاك الحجر فانفجرت منه اثنتا عشرة عينا قد علم كل اناس مشربهم
تعالوا هنا بقا نشوف طلاقه القدره ايه

العصا اللى سيدنا موسى ضرب بيها الماء ( البحر ) فتحول الماء الى حجر ونفس العصا ضرب بيها الحجر فتحول الى ماء
سبحان الله
مين اللى عمل الاولى ومين اللى عمل التانيه اتحول الماء لحجر وتحول الحجر لماء
يعنى شيئين متضادين يسخرهم على جسب مشئيته بقدرته الا محدوده ودى اسمها طلاقه القدره


مثال تانى


كلنا بناكل قصب وطعمهجميل ومسكر وطعم وحلو اوى
وبرده كلنا ذقنا طعم الفلفل الجراق والشطه الحراقه

سبحان الله طعم القصب حلو وجميل لكن طعم الفلفل والشطه حراق وبنتاذى منه

لكن الاتنين مزروعين فى
طينه واحده وكمان جمب بعض والاغرب بيسقوا من ماء واحد
سبحان الله طيب ما دام الطينه واحده والميه واحده ليه ده طلع حلو ومسكر وليه ده طلع حراق

هنا بقا دى اسمها طلاقه القدره
واقروا معايا ايه
بسم الله الرحمن الرحيم
ويسقى بماء واحد ونفضل بعضها على بعض فى الاُكل

صدق الله العظيم

وهذا صنع الله الذى اتقن كل شيئ

كمانالسمك عمرك اصطدت سمكه من النهر ولقت طعمها حلو وجيت تصطاد من البحر لقيت السمكه طعمها مملح زى الفسيخ عشان هيا عايشه فى ميه مالحه والاولى عايشه فى ميه عذبه

سبحان الله صدق اذ قال

ومن كل تأكلون لحما طريا
مثل تالت واخير وانا عارف انى طولت عليكم معلش استحملونى لان المثل اللى جاى ده جميل جدا والله


كلنا عارفين الايه الجميله اللى فى سوره البقره اللى هيا
بسم الله الرحمن الرحيم

او كالذى مر على قريه وهى خاويه على عروشها قال انى يحيى هذه الله بعد موتها فأماته الله مئه عام ثم بعثه قال كم لبثت قال لبثت يوما اوبعض يوم قال بل لبثت مائه عام فانظر الى طعامك وشرابك لم يتسنه وانظر الى حمارك ولنجعلك ايه للناس وانظر الى العظام كيف ننشزها ثم نكسوها لحما فلما تبين له قال اعلم ان الله على كل شيئ قدير

صدق الله العظيم


هنا كان فى نبى اسمه عزير مر على قريه هالكه فقال بينه وبين نفسه ازاى ربنا يحيى القريه دى بعد ما حصل فيها كده
هنا اراد الله العلى القدير ان يضرب له مثل عملى فماته الله مئه سنه ثم بعثه الله
ودار الجوار التالى

كم لبثت اجاب النبى يوما او بعض يوم

قال الله بل لبثت مئه عام

هنا الاتنين بمقايس قدراتهم صادقين

يعنى هو صادق اما قال يوما او بعض يوم عشان كده ربنا قاله انظر الى طعامك وشرابك لم يتسنه يعنى محمضش
وطبعا عشان الاكل يحمض لازمله على الاقل يوم او اتنين وهنا الاكل محمضش فقال انه لبث يوما او بعض يوم
وقال له الله بل مئه عام بدليل الحمار اللى اصبح تراب وانشئه الله امامه وقاله انظر الى العظام كيف ننشزها

وطبعا عشان حمار يتحلل ويبقى تراب لازمله مده زمنيه طويله
انا هنا بقا عاوز اقول ايه
ربنا العليم القدير من طلاقه قدرته انه عمل حاجه تجتاح زمن قليل مع حاجه محتاجه زمن كبير فى نفس الزمن بالنسبه لقدرته الا محدوده

ودى اسمها طلاقه قدره





وحقا



اعلم ان الله على كل شيئ قدير









اتمنى يارب تكون عجبتكم