السلام عليكم .....

انا بطنى نشفت من أكل الفول و الطعميه و الوجبات السريعه و السندويتشات ... و الحكايه ان السيد الوالد و الوالده سافروا لأداء الحج هذا العام و تركونى انا و اخوتى و كلنا أولاد و ليس لنا اى اخوه بنات و ما بنعرفش نطبخ إلا بيض .. ساعه نقليه و ساعه نسلقه و ساعه نعمله شكشوكه بالاضافه للفول بجميع تشكيلاته مره بالطحينه و مره بالطماطم و مره بالزيت الحار و الطعميه للاسف مافيهاش لعب كتير و لما نزهق بنروح نطلب سندويتشات و نقلى بطاطس بس كله نواشف فى نواشف ... انا بدأت أتابع برنامج "مع أسامه أطيب " اللى بيذاع على قناة دبى و حاولت أعمل صنف بس بصراحه انتهت المحاوله بالإحباط ... و فى نفس الوقت مش عايزين نترازل على أى حد من القرايب و الجيران .... و انا طلبى حاجه بسيطه جدا :

عايز طريقة عمل الرز العادى ( الرز الأبيض ) و طريقة عمل المكرونه (المعكرونه :] ) العاديه اللى بصلصة الطماطم و احنا ها نتصرف فى الباقى

و لكم منا جزيل الشكر