قال الله تعالى { قل هل يستوي الذين يعلمون و الذين لا يعلمون إنما يتذكر أولو الألباب } الزمر:9
قال رسول الله (ص) " ليس منا من لم يرحم صغيرنا و يعرف شرف كبيرنا " حديث صحيح رواه أبو داوود و الترمذي.

قال الله تعالى { يا أيها الذين آمنوا لا يسخر قوم من قوم عسى أن يكونوا خيرا منهم و لانساء من نساء عسى أن يكن خيرا منهن و لا تلمزوا أنفسكم و لا تنابزوا بالألقاب بئس الاسم الفسوق بعد الإيمان و من لم يتب فأولئك هم الظالمون }الحجرات:11
قال رسول الله (ص) " بحسب امرئ من الشر أن يحقر أخاه المسلم "رواه مسلم .

طبعا أنتم مستغربين من المقدمة دي بس الحقيقة أن حصلت حاجة حرقت دمي و مش ينفع أني أشوفها و أسكت عليها
الكل متابع قنوات الدش و منها قناة فتحت جديد للكوميديا المهم أن فيه برنامج بيسخر من المشاهير و الناس اللي ليها أثر في الدنيا في الأول كانت السخرية على المفسدين فدي حاجة كويسة أننا بنحاول نبين المشكلات الموجودة و نسخر منها علشان نحلها و نبين أننا المفروض مش نقلد الناس دي

لكن في حلقة فاتت تم السخرية من العالم الكبير و المحاضر العالمي إبراهيم الفقي و بطريقة غير لائقة يعني بين علم التنمية البشرية أنه علم مش حقيقي و المشكلات اللي بيحلها مش كبيرة و أن تمرينات العلم ده هايفة و ليس لها أي أهمية
غير كده تم السخرية من شخص الدكتور إبراهيم الفقي شخصيا و بطريقة غير ملائمة هو عنده حركة لا إرادية نتيجة إصابته بجلطة و المقلد استخدم النقطة دي جامد جدا باستهزاء

هل ينفع أننا نسخر من رمز من رموزنا ?!!!!

طيب لو كانت على التقليد خلاص لكن ده تقليد باستهزاء و سخرية و تحقير من الشخصيات المؤثرة كأننا بنقول أحنا شعب ضايع و مش مهم الناس اللي بيحاولوا يغيرونا للأحسن
هل ده خطأ الإعلام?
هل أحنا اللي وصلنا الإعلام لكده أم الإعلام اللي عايز يفهمنا أن العلماء مش ليهم أي أهمية و أن الأهمية للمفسدين في الأرض و أحنا لازم نحترم من يفسد في الأرض?

هل ضاعت هيبة العلماء؟!!!!!

طيب لما نشوف حاجة كده نتصرف أزاي?

أنا عارفة أن كلامي ده مش هيوصل للي بيعملوا البرامج دي بس مش قدرت أشوفها و أسكت دي مشكلة كبيرة و لازم نشوف حلها المناسب.

الحوار مفتوح للجميع