أهلاً بيكم معانا في سلسلة :


((اضحك من القلب))


السلسلة عبارة عن مجموعة نكت تضحك من القلب فعلاً


وادخل واحكم بنفسك.



الجزء الأول:-




نكتة ((الجاسوس بلدينا))




في يوم من الأيام الموساد كان بيدور على جواسيس جداد

في مصر ميكونوش معروفين: لإن مخابراتنا بتمسك الجواسيس كلهم.
فجماعة الموساد وقفوا في محطة قطر ولقوا واحد بلدينا في المحطة



قالوا له : انت بتعمل ايه هنا



قال: ادليت مصر ادور على شغل.



قالوا له: تشتغل جاسوس معانا



قال: وماله يابوي مش شغلانه حلال وتوكل عيش!!!!!!!!!



طبعاً خدوه ومرنوه كويس جداً جداً وزار جميع دول أوروبا.




وبعد ما خلص الدورات التدريبية بتاعته.... رجع للنجع بتاعهم



والموساد قالوله: خليك في النجع بتاعك واحنا لما نحتاجلك هانبعتلك مندوبنا...بس ادينا عنوانك.



قالهم عنوان إيه يابوي,,, ادلوا على النجع بس وجولو فين حسنين محمد هتلاجوا ألف مين يدلكم.

قالو له: خلاص وكلمة السر(( عمتك بتسلم عليك))


لما تلاقي حد جالك يقولك الجملة دي افهم انه تبعنا واديله التقرير على طول,,
هي دي شغلتك تقعد في النجع وتكتب التقارير... وندوبنا يجي يقولك كلمة السر ...وتديهالو..مفهوم.


قال: مفهوم.




بعدها بأسبوع المندوب راح النجع بتاعهم وسأل على حسنين محمد

شيخ الغفر قاله: تقصد أنه بالضبط:

النجع فيه 100 حسنين محمد

تقصد: حسنين محمد أحمد

ولا حسنين محمد بسطاويسي

ولا: حسنين محمد السايس
ولا


ولا


المندوب تاه بينهم
اتصل بالإدارة....قالوا له : إغمز شيخ الغفر بخمسة جنيه هايديك عناوينهم كلهم.

تروح لواحد واحد تقوله كلمة السر:


(( عمتك بتسلم عليك))



والي هايرد عليك هو ده بتاعنا.

فراح لأول واحد بعد ما خد العنوان.

وخبط على الباب فتحله راجل

قاله : هنا حسنين محمد

الراجل قال : إيوه

المندوب قاله: ((عمتك بتسلم عليك))

الراجل قاله: لااااااااااااااااااااااا.. ......... إنت تقصد حسنين الداسوس.

ده ساكن على البر التاني.