مساء الخير عليكوا يا احلى اعضاء


ازيكوا يارب تكونوا دايما بخير


النهاردة اولى حلقات برنامج موبيلك معانا



سامعه حد بيقولى يا ستى خلصى هو إيه اللى موبيلك معانا ده


أقوله اصبر شوية كل حاجة هتعرفها


يقولى طيب وأخرتها أقوله طيب هنبدأ أهو




معاكم النهاردا موضوع جميل جدا مليان ترفيه وفضايح



وأنا فاضيه كدة فكرت وقلت يابت يا شيكسو إعملى حاجة

فيها ترفيه وكل الأعضاء يشاركو فيها



وقلت خلينا (ندعبس ) فى موبيلات


الاعضاء بموافقتهم أحسن من عدم رضاهم ونعرف فى إيه فى موبيلهم


وخفاياه وأسراره ....... سامعه واحد هناك بيقولى بس ده تطفل أرد عليه


وأقوله ان ده حب استطلاع ليس إلا .. يعنى على الأقل عرفت أرد عليه


طيب ندخل فى الموضوع


هيتم اختيار ضيف أو ضيفة يشرفنا ويأنسنا ويجاوب على شوية أسئلة


بسيييييييييطة أوى عن موبيله بس بشرط تمشى معايا على طول الخط

بس بشرط يجاوب بصراحة متناهية وطبعا أى حد ليه الحق إنه يرفض


اللى هيستضاف بقى معانا هنا هنعرف حاجات غريبة عنه


من جمال اسلوبه


وروعة شخصيته


وجمال طلتـــــه


وهنعرف أسرار موبيله وكل حاجة عنه


وطبعا اللى هيشرفنا هيعطر المكان بما يحمله من خفايا


من أخرها هيخلى ريحته حلوة لإخوانا اللى عايزين تبسيط


وطبعا هيشغل أفكار الأعضاء كلهم عشان يعرفو الخلبوص


ده بيعمل إيه






ويا رب الضيف يمتعكم ويسعدكم

وهنختار عضو تانى لما العضو الاول يجاوب ع الاسئلة



ونرحب بالعضو الاول معنا وهو مش اى عضو فى المنتدى



هـــــــــو





حماده صلاح








ونبدأ الأسئلة


1_ نوع موبيلك إيه ؟


2_ اخر صورة صورتها ؟ ولو عايز تحطها فى الرد


عادى مش عايز برضه عادى


3_ مسجل كام رقم عندك ؟


4_ أخر رسالة إستلمتها ؟ لما نشوف بس بلاش فشر


5_ ايه الرسالة رقم 5 اللى عندك؟ ولاحظ رقم 5 بالتحديد


6_ لو عندك إسم مضحك أو غريب لأى حد من أصحابك مسجله على موبيلك


أو أى حد قولنا إسمه

7_ أعلى كارت شحن شحنت بيه كام ؟ ولا غلبان زى حالاتنا وبتحول رصيد


8_ اسمك إيه فى البلوتوث ؟ يا روشنتك


9_ ايه الثيم الحالى لموبيلك ؟ يا لذيذ يا رايق


10_ ايه أكتر حاجة بتستخدمها فى الموبيل ؟ يعنى مثلا المنبه الاستديو او الحاسبة او الالعاب ؟



11_ اخر بلوتوث استقبلته؟ بصراحة بقى ها





12_ كام عدد الرسايل اللى عندك فى صندوق الوارد وكام فى الصادر ؟ ولا بتمسح خوفا من الشبهة


13_ رسالة مش هتمسحها أبدا ابدا


14_ إيه الإسم رقم 13 اللى عندك ؟


15_ ما هى أخر رسالة قمت بإرسالها ؟


ياريت تكون الاسئلة خفيفة عليك وتكون سعدت بالوقت معنا


ونلتقى بحلقة أخرى من برنامج موبيلك معنا