فضيحه والله العظيم فضيحه

بتتقال فى وسايل الاعلام صريحه

لما تيجى مصر علشان هيا بلد الامان

تشوف بعيونك الموت والزل والهوان

مش كفايا المشاكل اللى محصرانا

عايشين فى مكنه مصه دمنا وعصرانا

بنزرع قنابل على كل جنب

بنقتل فى ناس مالهومش اى زنب

بيجيلك ساعتها منين قلب

فكر فى امك ابوك فكر فى اختك اخوك

بلاش تسلم دماغك لكلاب ينهشوك

كسبت كام بعد ما اتعينت وبقيت ارهابى

مقالش كده الرسول ولا قالها صحابى

ذودت الهموم هم

وسخت ايدك بالدم

ولا حليت مشكله طابور العيش

ولا خليت العسكرى ضابط فى الجيش

انت مش بتضرب الاجانب ولا الحكومه

انت بتقتل اهل بلدك فى جيوبهم المعدومه