راجعلك يا مصر


راجعلك يا مصر مشتاق للرجوع

لتـرابـك لـنيلـك لاصـالـة الربـــوع


راجـع لـحارتى وايـام طـفولـتي

لاصحاب زمان وشبابي ورجولتي


يا احلى بلد يا ام البلاد

ضمينى لحضنك كفايا بعاد


مشتاق لارضك ابوسها في سجود

ده الغربة خدتني ونفسي اعود


وبدعى يا مصر في ارضك اموت

بحبك وحبك ده كلة في سكوت


وتعيشى يا مصر يا بلد الحبايب

ونفسي ينوبني من الحب نايب


غربة خدتنى ومش بايدي

حضنك بعدنى وروحت لنصيبي


راجعلك يا مصر وماليني الحنين

بحب الليالي وشوق السنين


راجعلك يا مصر في ليلك أسهر

بحبك يا مصر ومن غير ما أفكر


في ليلك اغني دا بعدك قتلني

رجعلك يا مصر مشتاق للرجوع