وانا قاعدة في امان الله بذاكر ... كنت بسمع الراديو ..
فحظي الجميل (جدا جدا) خلاني اسمع الشرق الاوسط اذاعتنا
المهم استحملت وضغطت على اعصابي
وسمعتها
الاقي برنامج((( نجمك في العالي )))
البرنامج عبارة عن دكتور بيقولوا عليه فلكي
ومذيعة
الناس تبعتلهم رسايل على خط ساخن من الموبايل وتقول في الرسالة تاريخ ميلادها وشهادتها وامتى اخدت الشهادة وعدد اخواتها وترتيبهم بين اخواتهم وتاريخ ميلاد اللي عايزين يرتبطوا بيه
ليه ؟؟؟؟؟؟؟
علشان الدكتور يقولهم
yes or noيعني يقولهم يكملوا مع بعض ولا لأ
شوفتوا انتوا كده ؟؟
ناس متجوزين ويقولولهم انا مش عارف انتوا ازاي متجوزين .. اكيد حياتكم جحيم ... ناقص يقولوا طلقها ححالا ...
وقمة الغرور وهو بيقول الناس اللي قولتلها نو دي
اكيد لو هما حاسين انهم متوافقين يا اما مراية الحب عامية يا اما باعتين بيانات غلط
لأن كلامي مظبوط 100%
ماعندوش حاجة اسمها مشيئة الله ، ماعندوش حاجة اسمها توفيق من ربنا ، ولا ان شاء الله ولا اي حاجة ..
دا خلاني اتسأل :
ياترى هل لو انت بتحب شخص او خاطب او مخطوب لشخص ، شايف انه انسب واحد ليك وحد قالك كده ، بكل الثقة دي هتسيبه ؟؟
وياترى اصلا انت بتثق في كلامهم ؟؟؟
وايه رأيكم في اللي اتقال ده ؟؟؟

مستنية ارائكم