السلام عليكم ورحمة الله وبركاته

الموضوع وما فيه ان الاسئلة اللي هقولها تحت دي شغلاني جدا ومن فترة كبيرة واحترت فيها اوي ممكن حد يساعدني بحلول ليها وكلنا نستفيد مع بعض

-----------------****-----------------
الموضوع باختصار انا كان نفسي في المستقبل اكفل طفل يتيم والاسئلة هي لكل واحد فيكم من وجهة نظره
* هل يا ترى لو كفلت طفل وانت عندك اطفال او تنجب اطفال بعد ما تتبناه , هتعامله زي اولادك وهتحبه زيهم؟
* وازاي وامتى ابدأ اعرف الطفل ده اني مش والدته ولا زوجي ده والده ؟
* هل الطفل ده هيكون عنده مشاكل نفسية وممكن يحقد على اولادي ؟
* وازاي اتجنب انه يحصله مشاكل نفسية ؟
* هل لو عرفت اولادي ممكن يضايقوه او هوه يحس بفرق بينه وبينهم حتى لو مكنتش بتفرق في المعاملة ؟
* وازاي اخلي اولادي يحسوا انه زي اخوهم فعلا ومايفرقوش في المعاملة ؟
* وهل ممكن بعد ما اموت انا وزوجي يقاطعوه او ما يكونوش معاه زي الاول بسبب مثلا زوجاتهم او ازواجهم ؟
-----------------****-----------------
بس هي دي الاسئلة يا ريت تجاوبوني عليها علشان بجد هي محيراني وعلشان لو حد ناوي يكفل طفل يتيم يعرف ازاي يتصرف
وشكرا ليكوا مقدما