بسم الله الرحمن الرحيم

السلام عليكم ورحمة الله وبركاته

دلوقتى يا جماعة كلنا بننقل مفيهاش حاجة بعدين رجعنا قولنا لازم الموضوع يبقى منسق احسن يتحذف

وبرضو قولنا ياريت نستخدم خاصية البحث عشان نتفادى التكرار ومنعرضش الموضوع للحذف برضو

لكن بقى الاخطر من التكرار والتنسيق ....المعلومات المغلوطة والبلاوى اللى بنجيبها بنفسنا للنجع

يعنى بنشوف مواضيع فيها حاجات عجيبة والله !!!!!!!

زى ايه ؟؟ زى مواضيع صور الكائنات الغريبة اللى بيلاقوها والبنت اللى اتحولت قرد ولا صورة الجنى المشهورة :to2to2:

وكمان زى اللى يقولك اوعى متكلش الاندومى احسن من عظام الكلاب وكمان ياحلاوة القمل ف راسك

وتدخل مرة يقولك لا متطرقعش صوابعك غلط وبعدها بيومين موضوع تانى عن فوائد طرقعة الصوابع

كل المواضيع دى بنشوفها يوميا وما خفى كان اعظم

ندااااااااااااااااااااااا اااااااااااء لكل الناس ..........

لو سمحتم يا جماعة لوجه الله قبل ما ننقل اى موضوع نتاكد الاول من صحة المعلومات اللى موجودة فيه

مش اى عنوان غريب يشدك تجيبه اغلبها مواضيع متفبركة والله وكلها معلومات غلط

ياريت لو عايزين نفيد بجد لو المعلومة شدتك اوى ادخلو يا جماعة ع الموسوعة العالمية او اعملو بحث

عن المعلومات اللى ف الموضوع هتلاقو مواقع متخصصة واكيد هتلاقى المعلومة الصح

يا جماعة عشان انتو بكدا بتاخدو ذنوب والله بنشركم للمواضيع دى ياريت نتاكد ولو فى اختلاف ع الموضوع

اعرضو كل وجهات النظر عشان نبرىء ذمتنا

وبجد انا بنبه عشان عارفة ان مفيش حد بياخد باله من حجم الضرر اللى بيعمله ونفسى بجد كل الناس

تبعد عن الشبهات وياريت نكون حريصين اكتر من كدا

وجزاكم الله خيرا