بصوا بقى انا ايه كاتبه شويه كلام اهبل كده اقروه للاخر بقى واحكموا بقى...ربنا يستر

هحكيلكم قصة يمكن ظريفة
ايام ما كنت لسة ضعيفة
في منكم يفتكرها طريفة
وغيركم يفتكرها مخيفة
انا كنت دايما عايشة في حالي
لحد ما في يوم دق على بابي
شيطان لعين... قولت امنعيه
لأ اسمعيه... يمكن معين
ما انا قولت لكم كنت ضعيفة
يقول يمين...يمين يمين
يقول شمال... شمال شمال
اني اعصيه... كان من المحال
ما انا قولت لكم كنت ضعيفة
فشّار كبير وبصدقه
يكدب كتير وبصدقه
يحلف ويخلف وبرده كنت بصدقه
ما انا قولت لكم كنت ضعيفة
سألته عن معنى الحب:قلب يدق وبنجرحه
سألته عن معنى السلام:حمام ابيض وبندبحه
سألته عن معنى الاخلاص :قال لي خلاص راحت عليه
سألته عن معنى الخيانه:منهج مقرر نرجع اليه
سألته عن معنى السعاده:قال لي بلادة...سعادة ايه؟؟؟!!!
والمصيبة اني برده كنت لسة بصدقه
ما انا قولت لكم كنت ضعيفه
وفي يوم جميل دبت خناقة بيني وبينه
ضعفي هو اللي مخليه شادد لي حيله
وبفرده هرمه قديمه صرمه حدفته بيها
ضعف وتحكم فيا تاني...خلاص بقى...بس في خياله
حاربت ضعفي وقلّتي
حاربت خوفي وذلّتي
ورجعت الى رب كريم...اشكيله قلة حيلتي
قوانّي بايماني في زماني
وبكتابه وبحكمته
وبنور حبيبه وسنته