عزير عليه السلام

احبائى فى الله ايه رايكم نكتب لكم عن نبى ممكن كتير منا مايعرفش عنه

حاجه


هو عزير عليه السلام

يالا نبتدى باذن الله

انتم عارفين ان اليهود من يعقوب الى المسيح عليه السلام كان ربنا يرسل

انبياء كتير


لهم وممكن تلاته فى اليوم زى انبياء ياسين ولكن بعد سيدنا محمد ربنا ما

ومش يرسل انبياء الى يوم القيامه انتم عارفين ليه طبعا ايه واحد بيقول

مش عارف اقوله


انت عارف ياسيدى ان ربنا نزل ايه جميله سمعها واحد يهودى قال لسيدنا


عمر

ياعمر لو الايه دى نزلت علينا لكنا اتخذنا اليوم عيدا لها وطبعا الايه هى


اليوم اكملت لكم دينكم واتممت عليكم نعمتى ورضيت لكم الاسلام دينا

نزلت يوم عرفه ويوم جمعه طبعا

المهم عشان ما نبعدش عن موضوعنا من ضمن الانبياء اللى ربنا بعثهم لليهود

عزير عليه السلام

وانتم عارفين ان كل نبى يرسل لقريته مثل نوح ولوط وغيرهم ولكن الغريب

هنا

ان ربنا بعت عزير لقريه اخرى لا يعلم عنها شئ ولا حتى مكانها فين

ولذلك نجد الايه تقول ايه

او كالذى مر على قريه

سيب ياعزيز اصلك وقريتك وروح للبلده دى

وهنا الحلاوه انك تخرج من بيتك تدعوا ناس ماتعرفهمش

سيدنا عزير قال حاضر يا رب ولا قال ليه يارب ما الانبياء اللى بعتهم كانوا فى

قريتهم سمعا وطاعه يارب وقام مجهز اكله وحماره والعنب وباقى الفاكهه

لانه

مسافر مكان ما يعرفوش وربنا حدد له مكانها بالضبط

وهنا نبص لسيدنا يونس ربنا قاله ادعوا قومك ولكنه ياس منهم وسابهم

ومشى والنتيجه كانت انه وقع فى بطن الحوت

المهم انه راح القريه اللى ربنا قاله عليها وكانت المفاجاه

قريه خراب مافيهاش ناس وشوف اللفظ

خاويه على عروشها

انتوا عارفين عروشها يعنى ايه يعنى سقفها وبمعنى تانى الاسقف واقعه

طيب انت لو مكان عزير تفكر ازاى انا الحقيقه قعدت اسال نفسى السؤال ده

لو حد بعتك مكان زى ده ومالقيتش فيه ناس تقول عليه ايه؟

اترك لك الاجابه

المهم فى الموضوع عشان ده نبى فكان عنده ثقه فى الله مدام ربنا بعته

هنا يبقى حايجيب له ناس بس امتى الله اعلم

انى يحيى الله هذه بعد موتها انى هنا مش معناها معقوله ربنا يحيى الله

القريه دى لا ولكن عزير عارف ومصدق ان ربنا حايحييها ولكن يارب عايز

اشوف كيف تحيى القريه دى انا مشتاق لرؤيه عمليه الاحياء تمام زى سيدنا

ابراهيم لما قال ربى ارنى كيف تحيى الموتى يعنى انا مشتاق للكيفيه

هنا اقول لكم حاجه ان عزير وابراهيم عدوا مرحله علم اليقين ودخلوا مرحله

عين اليقين عندهم ثقه جامده فى الله فاعطاهم عين اليقين


ياتر ى احنا عندنا ثقه ان ربنا حايغير الارض اليومين دول زى عزير لانه متاكد

نكمل عزير دور على مكان عالى عشان يشوف عمليه الاحياء طلع على

قمه جبل وربط حماره وجنبه اكله وشربه ومستنى ولكن ربنا اراد شئ تانى

خالصتمام

سيدنا محمد لما راح الطائف عشان فاكر ان الدعوه فيها احسن من مكه

ولكن ربنا اراد المدينه لانتشار الدعوه عشان سيدنا محمد ما يفتكرش انه


بمجهوده انتشرت الدعوه فى الطائف ولكن الاول اعمل مجهود وربنا يعطى


ربنا هنا قال لعزير مش لازم تتفرج على الاحياء ولكن انا حاوريك ايات اخرى


فاماته الله مائه عام ثم بعثه قال كم لبثت


قال يوما او بعض يوم يعنى حوالى ست سبع ساعات طب ازاى بص على

الاكل طازج زى ماهو يعنى انا نمت بعض ساعات لم يتسنه يعنى لم يتغير

انتوا فاهمين الايه هنا حاجتين جنب بعض واحد يبقى عظام وواحد لم يتغير

حتى طعمه بالنسبه لعزير يوم وبالنسبه للحمار بقى هيكل عظمى يعنى

فعلا مائه عام


الزمن عند الله يفعل بيه مايشاء يوقفه يكبره هو الباسط والقابض


وتيجى ايه تانيه ولنجعلك ايه للناس


اطلع بره المكان اللى انته فيه حاتلاقى القريه فيها ناس وانت مر عليك ميت

سنه


وايه تالته وانظر الى العظام كيف ننشزها


عمليه احياء الحمار حاوريها لك انتوا عارفين ننشزها يعنى ايه الشذوذ يعنى

نرجع العظام شاذ عن اللى كان فيه وشاف عزير جمع العظام وكسوته

باللحم


انت يا عزير كنت عايز تشوف عمليه الاحياء ايه امامك


الخلاصه هنا ربنا اراه ثلاث ايات


ايه الزمن


ايه امتلاء القريه بالناس


ايه احياء الحمار


نرجع لعزبر حايرك حماره وينزل القريه فقال لهم اتسمعون عن رجا اسمه

عزير قالوا نعم


قال لهم انا عزير


قالوا عزير مات من ميت سنه ولكن يوجد ست عجوز فقدت بصرها كانت

عارفه عزير وذهبوا للعجوز ودعى الله لها وردت اليها بصرها وتعرفت على

علامه تميز عزير ولكن اليهود لسه مش مقتنعين


قالوا له ان التوراه قد اختفت ولا يوجد غير نسخه واحده يحفظها عزير

فبدا يتلوا عليهم التوراه وامنت القريه كلها

وهنا اكتملت المهمه التى ارسله الله لها منذ مائه عام وهى دعوه القريه

الى الايمان بالله

واشكركم على حسن وصبركم على موضوعى

وسامحونى لو اطلت عليكم