السلام عليكم ورحمة الله وبركاتة
انا عاوزة اقول حاجة يمكن غريبة شوية
كتير بيمارس عادة سرية وكل واحد لية سبب دفعة للممارسة هذة العادة
وعارفين قد اية الحكاية دى بتسبب ألم نفسى وكمان ليها مخاطر جسدية
عشان كدة بنحاول نتخلص منها وكمان بنندم اوى ومعظامنا بيقول ياريت اللى جرى ما كان
عشان كدة بنتمنى نساعد اى حد نشوفة كدة وكمان بنحاول نوعى اى حد عاوز يعمل كدة
بس احنا النهاردة هنتكلم عن التوعية
وازاى ناخد بالنا من اللى بنحبهم
عشان انا لفت نظرى حوار ان فى اطفال بتمارس العادة السرية
وعشان كدة هنقول ازاى نخلى بالنا من اطفالنا
بصوا بقى أولاً: نصحح عاداتنا
لازم نخلى بالنا من أطفالنا اوى ونبدأ نصحح عادتنا احنا معاهم ازاى يعنى الكلام دة يعنى فى ناس بتتعامل مع اطفالهم فى سن بداية من سنتين باساليب خطأ بيزغزغوا الطفل من اماكن حساسة ويقولوا دة مبسوط ومن غير ما يحسوا بيعودوا الطفل على كدة وبيطلع الطفل بيعمل كدة لاكتساب لذة .
وكمان الاب قدام ولادة ممكن بيكون قاعد بطريقة غلط او بيعمل حاجة غلط ( سورى مش عارفة اوضح) والطفل طبعا بيقلد والدة او اللى بيشوفهم.

ثانياً: التوعية
ازاى هنعمل توعية لاطفالنا وهما لسة ميفهوش حاجة؟ الطفل فى سن مبكر بيحاول يكتشف جسمة ولما بيلمس اماكن حساسة عندة بيجد متعة او لذة فى كدة دورنا بقى من سن 4 سنوات نقول دة عيب ودة غلط ومش نستنى لما يعملوا كدة وبعدين نقولهم لالا نوعى الاول عشان نتجنب اى حاجة زى كدة وكمان منسبش ولادنا مع ناس كبار مش عندنا ثقة فيهم وكمان بقى واهم حاجة نوعيهم بالدين وبربنا يعنى ننمى لديهم الجانب الدينى.

ثالثاً: الصداقة
الفكرة اللى قربت تنقرض من مجتمعنا وهى فكرة الأم الصديقة لازم الام تصاحب بنتها والاب يصاحب ابنة ويكون فى بنهم حوار عشان الاولاد من نفسهم يجوا يحكولنا عن اى حاجة يتعرضوا ليها .


وكمان بقى فى حاجات بتعملها الامهات من غير ما تاخد بالها ان دة غلط زى انها تسيب الريموت كنترول فى ايد الطفل عشان يتفرج على اى حاجة مبررة انها عشان انها مشغولة عاوزة تخلص حاجة ودى وسيلة بتسكت الطفل بس للاسف دى بتموتة بعد كدة لانة بيكون اتعرف على حاجات مش مفروض يعرفها .

بس كدة دى حاجات اولية نعملها مع اطفالنا وبعد كدة هبقى اقولكم على حاجات تانى تخص الاطفال