بسم الله الرحمن الرحيم
ــــــــــ
مش عارف ابدء ازاى بس كل الحكايه انى كنت فى الشرقيه واثناء عودتى
فى القطار لقيت طفل صغير بيسئل ابوه اسئله فى الدنيا
عن الرب والسما والموت وهكذا والعجيب
انى الاب مردش عليه الا بكلمتين اتنين
( لما تكبر)
لدرجه انى الاب ضرب ابنه وبكا الطفل
وقررت انى اكتب هذه الاغنيه
متخيل نفسى هذا الطفل
**********
********
*****
وانا طفل ولسه صغير
كانت اسئلتى تحير
كنت بسئل معنى الموت
وليه الدنيا بتتغير
وفين الرب اللى خلقنا
والسما ازاى مرفوعه فوقنا
والزرعه ازاى يابا بتكبر
والسحاب ليه بيمطر
والشمس ليه بتدارى نورها
والقمر يبقى مكانها
والنجوم تبقى كتيره
ومش عارفين يابا عددها
اسئلتى كتيره اوى وصعبه
وانا منك اجابه واضحه
طيب هسئل واقولك فين
فين هى السما السابعه
وليه الناس دايما تبكى
على حد خطفه الموت بدرى
مش بتقولو لازم نموت
ليه بقى خايفين منه
ارجوكم بس تجوبونى
عايز بجد تقولولى
لما اموت رايح على فين
متزودوش دمع عيونى
استنى لسه يابا بدرى
عندى سؤال هيجننى
ازاى ربنا بعيد عنا
شيفنا ازاى بقى قولى
وليه نحب يا با الجنه
ونكره النار بالمره
طيب فى هى الجنه
وانا جرى اقوم واروحها
قولى بس يابا حاجه
ارجوك تفهمنى يابابا
ومتقليش لما تكبر
واسمعها منك كالعاده
اه ياخوفى لما اكبر
القى عقلى لسه صغير
ومعرفش ايه اجابه
وافضل عايش متحير
ـــــــــــــــــــ
ده طبعا كلام طفل والطفل بيقول اكتر من كده بكتير
ودى مشكله مهمه جدا ولازم نشوف ليها حل بجد
واخيرا اتمنى تعجبكم
جمال البحراوى