ده مجرد حلم
حلمت انى اخويا مات
*************
فى يوم اتصل بيا الغالى اخويا
وقالى عايزك
قلتله فى لمح البصر يا خويا
هبقى عندك
وجريت قوام عليه ** لقيت ناس كتير حواليه
وقالى خلى بالك من الزمن
واصبر ياخويا وخلى عندك امل
وفاجئه ومره واحده
( سابت اديا من اديه)
سابت اديا من اديه)
وجريت بسرعه بره
بصرخ للدنيا صرخه
ولقيت الناس واقفه
والكل فى عينه دمعه
**
ولقتنى فاجئه مرمى
معرفش ايه حصلى
زى مايكون
الموت هو اللى زرنى
**
ومشيت وسط الجنازه
وكل البشر سندنى
ونسيت طعم العاده
من بعد ما راح وسبنى
****
**********
يارب الحلم ما يتحقق
جمال البحراوى