الخاطرة دى حصل بالفعل وبيحصل وهيحصل
حد ظروفه وحشة اوى...موهوب ومكافح.......اجتهد وربنا كرمه وبقى حاجة كبيرة اوى
بس للاسف رافض يفتكر الايام السواد اللى شافها....وحتى مش قابل يحكى عن الدروس اللى استفادها....مع ان الايام دى هى اللى عملت منه الانسان العظيم دة

بواقى قصيدة.....بواقى انسان

أسمر ودمه خفيف
اسمر ويا ع النور
اسمر تشوفه تدور
وهو دايب دوب
والدنيا دايرة عليه

أسمر يتيم غلبان
وشه حزين مغلوب
لابس قميصه مقطع
وهدومه دابت دوب
ماشى ف وسط الخلق
وماسلم من الحاسدين
وتشوف جماله تدوب

أسمر ودمه خفيف
اسمر ويا ع النور
اسمر تشوفه تدور
وهو دايب دوب
والدنيا دايرة عليه

اسمر ب شعر كنيش
همه يهد الحيل
م الشوق دا داق الويل
ولا عمره يبان عليه
وشه من الاحزان
خاطط خطوط بالطول
قلبه من الاشجان
اتكسر واتنى وكرمش
شايل عليه الحمول

أسمر ودمه خفيف
اسمر ويا ع النور
اسمر تشوفه تدور
وهو دايب دوب
والدنيا دايرة عليه


اسمر ومصرى اصيل
شايل دماغ عبقرى
على ايد جدع فلاح
والقلب قلب عجوز
شايب وهو شباب
من كتر حبه داب
والضهر بدرى اتحنى
من كتر جرحه ساب
لكن صموده فريد
وعمر جرحه ما طاب


أسمر ودمه خفيف
اسمر ويا ع النور
اسمر تشوفه تدور
وهو دايب دوب
والدنيا دايرة عليه


اسمر بلون الارض
شاف الحياه بالعرض
مؤمن مايسبش فرض
ولا عمره يقبل سحت
نظرة تداوى قلوب
وحضن دايب دوب
فارس وعملاق كبير
حابس فقلبه الالم
ساكت وياما انظلم
يهرب من الايام

أسمر ودمه خفيف
اسمر ويا ع النور
اسمر تشوفه تدور
وهو دايب دوب
والدنيا دايرة عليه