لازم ننضف

ولعت الباجور قولت اخد شاور

من وقفت الطابور والحراميه والناور

الواحد فعلا لازم ينضف


شيعت عبد الصبور جابلى صابونه فلاور

جنيه ونص ومفيش باقى؟

عبد الصبور انت لص وحرامى

قالى يا عم اصحى احنا فى سنه كام

انت مخرجتش من سنه مجالك زكام

دلوقتى بقى فى قانون جديد للمنظفات

وبلاش تستحمى مادمت شحات

الجنيه يادوب يجيب رغيفين فينو

والفقير بقى ربنا يعينه


ودابت الصابونه من اول مرشه

مع ان الليفه اليفه ومش فرشه


ايه يا عبد الصبور بتبحلق فيا ليه

انا مش بخيل انا بتعفف

بصلى وقالى نشف ياعم نشف