انت لسه فاكر
انت لسه فاكر انك في يوم كنت شهم
يا ابني الشهامه دي طلعت في النهاية وهم في وهم
صدقني دي مش عايزه فكاكه ولا عايزه فهم
ألم النداله دلوقتي اقوى من اي سهم
يبقى على كده اتعود
وبالكلاحه اتزود
وبالبلاطه اتقوت
حتى التباته بتموت
واللي يضايقك فوّت
************
بقى انا برده معنديش دم
طاب ليه طولة اللسان والذم
بقى دي جزاتي اني اتشتم
يا بني بنصحك تتلم
لأحسن تتلم...مع اللي دلوقتي بيتلم
*************
اسفة يا سيدي على التعطيل
وعلى المداخله والتطويل
خايفه عليك من التعجيل
انك تحاول تبقى شهم
اصل الشهامه دي طلعت في النهاية وهم في وهم
صدقني دي مش عايزه فكاكه ولا عايزه فهم
ألم النداله دلوقتي اقوى من اي سهم
*************