التجربة

التجربة ... أعيشها .. ؟

لأ ...

أعيشها .. .. ؟

لأ ..

أعيشها .. .. عيـــــش ..

وحط رجله

غاصت في الحكاية

البنت حلوة .. حلوة

والشاب عينه فارغة

فلسف الرواية

خيانة .. ؟

لأ

دي تجربة حياة

وبعدها .. ؟

لكل شيء نهاية

قادر وفاجر .. ؟

لأ

لأ يا ناس ده شاعر

والشعرا دول

ليهم في كل يوم جناية

باسم إيه .. ؟

باسم تجربة حياة

تاخد لها شكل القصيدة في النهاية

بين الحيطان الأربعة

خلص الكلام

واتكلم الحرام

حرام .. ؟

حلال

حرام

حلال

حرام

تدوق .. ؟

ماأدوقش ليه ؟

وداق

واتحط فوق قلبه رحاية

دارت ليالي العمر

والحجر تقيل عمال يدور

يدور

وتحت م الدوارة .. !!

قلبه شاب

القلب شاب

ولكن لم يتوب

وعاش التجربة لما لحد النهاية

جت النهاية

وخلفها الفؤاد عمال بيحكي

كل يوم حكاية

لو كانشي عاش التجربة .. ؟

مش كان حرام يموت

قبل البداية . ؟