السلام عليكم ورحمة الله وبركاتة


اعزائي اعضاء المنتدي الكرام بعد موضوع الانتماء اللي كتبة الاستاذ الفاضل ابو الصعايده

وبعد الكلام الرائع وقصص ابطال اكتوبر اللي ذكرهم لنا مشكور وبعد الرسالة اللي وجهها

لي بشكل شخصي .


فضلت أفكر هو إيه فعلاً السبب اللي خلاني أحب مصر ؟؟

هل لأني أتولد فيها ولا عشان زى احتياجات أي إنسان للانتماء ولا كلها شعارات وخلاص...

وأن أنا مصري وأبويا مصري وأجدادي الفراعنة ومشربتش من نيلها والذي منه وخلاص.



لأ أنا عارف أنا حبيت مصر لأني في الأصل إنتمائى لله سبحانة وتعالي

وللإسلام ولأن ربنا عز وجل أعطى مصر أهميه خاصة ولأني فعلاً نفسي أخلى مجتمعي أحسن

بالمشاركة الإيجابية بالمجتمع ومحاولة إرتقاءة للأحسن وكمان ما انساش أني بعمل ده

لأن هو ده دور كل مسلم أصلاً من غير ما أنسى إنها دار فانية والآخرة خير وأبقى

المهم عشان ما نبعدش عن الموضوع الأصلي والكل طبعاً عارف ربنا ذكر مصر كام مرة في

القرآن الكريم ولا رسولنا الكريم قال إيه عن أهل مصر وجنودها ولا خير مصر ولا تاريخ مصر منذ فجر التاريخ.

وأحمد الله عز وجل على نعمة الإسلام وعلى نعمة أني مصري.بصرف النظر عن ما فيها حاليا من مساوء

بسبب الحكومة وسلبيات معظم شعبها قولت لنفسي بقي اسأل كل واحد فيكم .

أنت كمان بتحب مصر ليه؟؟

سؤال لكل واحد فينا يا تري انت سالت نفسك قبل كدا يا تري انت بتحب مصر ؟؟

طيب و بتحب مصر ليه ؟؟

و يعني ايه مصر بالنسبه ليك ؟؟

طيب فكرت في يوم بما انك اخدت حاجات كتير جدا منها انك تديها حاجه ؟؟

طيب فكرت في يوم انك تعبر عن حبك دا ليها ؟؟

ايه رايكو في فكره حملة تكون في حب مصر .....

نحب فيها مصر كلنا و نعبر عن حبنا لمصر نخلي الدنيا كلها تشاركنا

ندخل الفرحه قلوب الناس اللي بقالها كتير جدا عايشه ولا كانها عايشه

نرجع تاني معني المواطنه و يعني ايه كلمه وطن جوا كل واحد فينا لاني لاحظت

ان في حاجه وحشه جدا حصلت و هي انه في ذكري 6 اكتوبر اللي فاتت دي كتير جدا

قالولي انهم ولا فرقت معاهم في حاجه و انه كان يوم عادي و ان اليوم دا مش بقي بياثر معاهم

في حاجه غير انة اجازة من الدراسة او الشغل وفقط .

يا تري احنا كلنا بقينا في درجه من التغيب للدرجه دي ؟ هو احنا نسينا مصر ولا ايه !!


عاوز نرجع تاني شباب بيحب مصر ... شعب بيحب مصر

او على الاقل جوبونى انت بتحب مصر ؟؟....... طيب ليه ؟؟......