باحلفلِك بالحُب يمين
بالعيش والملح وبالطين
قَدمت إليكى البراهين
إثبات وحُجه وضمانين
لونى ودمى فَصلتين
وأشعارى ليكى ف دوانين
إنِك ف القلب وف العين
ساكنه جوه الرئتين
والروح لو تطلع من فين
تسمحى آخُد نَفَسين ؟

حُبِك غَرقنى ف شبرين
ورمانى فى دُنيا التايهين
باتلَفِت شمال ويمين
وبقيت زى المجانين
أشوفِك كل وقت وحين
ما تخِفى عليا يا صابرين
عشان اقدر احبِك بحنين
واشتاق لِك زى المساجين
إدينى إفراج حتى يومين
ده جِميل فوق راسى ودين


لو حابه ادفعلِك تأمين
وإن خُنت الوعد دقيقتين
إبقى تعالى خُدينى ألَمين
وآدى دقنى والحُب يَمين
إن شوفتى العبد المسكين
ولَمحتى خيال الودنين



لو عجبتكم ردوا علشان اعرف /scenic