مسكت القلم جانى احساس

احساس بألم مش عند الناس

انا ليه عندى قلب

انا ليه حساس

ليه بحب واخلص

ياخى طز فى الحب

وطز فى قلبى

وطز فى الاخلاص

قال شاعر وعندى مشاعر

ياعم متعيش وخلاص

كسبت ايه من قلمى

غير وصف احزانى

لامنها عالجت ألمى

ولا منها الدنيا عرفانى

بداوى جراح الناس

وجرحى انا مفتوح

اذين المعنى بالماس

واصبر المدبوح

واجمل فى الحياه

وهيا كرهانى

ولا لاقى طوق نجاه

ولا قادر القانى

انا هكتب اللى احسه جوايا

هكتب عن اوجاعى

وان القلم مكتبش معايا

هكسره واكسر دراعى