بحر البقر



قرية صغيرة نايمة فى حضن زرعها واهلها بيصحوا بدرى قبل نهار ربها
فى الفجر صلوا لربهم ورجعوا فطروا مع اهلهم
وولادها لبسوا زيهم وراحومدرستهم
وقفوا حيوا العلم ومش عارفين انهم هيكتبوا بدمهم قصة كفاح شعبهم
فى الفصل قاعدين يسمعوا تاريخهم امهم
وفجاءة هدير يصم ودنهم وصراخ وعويل من قلبهم
الملاعين قتلوا ضحكهم
رجالة القرية جريت على المدرسة
بقؤسهم وايدهم بيدورا على ولادهم كلهم
انا شفتهم
واحد شايل ابنه وبيرفعه طالب بالثار مكنش بيبكى
وواحده ماسكة بقايا بنتها
ومصر واقفة والف دمعة متكفيش حزنها
30 طفل شهيد يابختهم
والملاعين قالوا ضربوا موقع عسكرى وانا صدقتهم
ماهو كل طفل رصاصة فى قلبهم
وكل نقطه دم من دمهم هتحرق شعبهم
ان كانوا ماتوا فانا مادفنتهم
وكل يوم اصحى اسرح شعرهم
والعب معاهم واقولهم مصر بتحبكم
ياترى هاقدر ازرع حبهم فى قلوبكم كلم
وبعد ماموت تاخدوا بالكم منهم ومن امهم
دمهم وتارهم فى رقبتكم كلكم
اوعوا تنسوهم واحكوا لولادكم من بعدكم
انا اقسمت انى هاخد بتارهم كلهم




أداة العدوان




طائرات الفانتوم الأمريكية الصنع
وسيلة الدمار
تم نسف المدرسة المكونة من 3 فصول بواسطة : خمس قنابل وصاروخين
ناتج الجريمة
استشهاد ثلاثين طفل .
إصابة أكثر من خمسين طفلاً بجروح وإصابات بالغة خلفت عدداً من المعوقين
تدمير بناء المدرسة وتسويته بالأرض .



بعض أسماء الشهداء :




أحمد أنس الباشا.
طه عبد الجواد طه.
عادل مصطفى خميس.
سامي إبراهيم قاسم.
محمد أنور أحمد العناني.
كحلاوي صابر فتحي حسين.
طارق نبيل أبو زيد حسن.
ممدوح بدر علي محمود.
وليد إبراهيم إبراهيم حسن.
أحمد علي عبد العاطي أحمد.
نجاة محمد حسن خليل.
صلاح محمد إمام قاسم.
أحمد عبد العال السيد.
محمد حسن محمد إمام.
زينب السيد إبراهيم عوض.
محمد السيد إبراهيم عوض.



وصلاح جاهين كتب عنهم وقال لموا الكراريس




الدرس انتهى لموا الكراريس
بالدم اللى على ورقهم سال

في قصر الامم المتحدة

مسابقة لرسوم الاطفال


ايه رايك في البقع الحمرا

يا ضمير العالم يا عزيزى

دى لطفلة مصرية سمرا

كانت من اشطر تلاميذى

دمها راسم زهرة

راسم راية ثورة

راسم وجه مؤامرة

راسم خلق جبارة

راسم نار

راسم عار

ع الصهيونية والاستعمار

والدنيا اللى عليهم صابرة

وساكتة على فعل الاباليس

الدرس انتهى

لموا الكراريس


ايه رأى رجال الفكر الحر

في الفكرة دى المنقوشة بالدم

من طفل فقير مولود في المر

لكن كان حلو ضحوك الفم

دم الطفل الفلاح

راسم شمس الصباح

راسم شجرة تفاح

في جناين الاصلاح

راسم تمساح

بالف جناح

في دنيا مليانة بالاشباح

لكنها قلبها مرتاح

وساكتة على فعل الاباليس

انتهى الدرس

لموا الكراريس



ايه رايك ياشعب ياعربى

ايه رايك يا شعب الاحرار

دم الاطفال جايلك يحبى

يقول انتقموا من الاشرار

ويسيل ع الاوراق

يتهجى الأسماء

ويطالب الاباء

بالثأر للابناء

ويرسم سيف

يهد الزيف

ويلمع لمعة شمس الصيف

في دنيا فيها النور بقى طيف

وساكتة على فعل الاباليس

الدرس انتهى

لموا الكراريس