السلام عليكم ورحمه الله وبركاته

انا شايف حاجه جديده حصلت على النجع بقالى سنه هنا واكتر ومشوفتهاش قبل كده

اتنين بيتخانقوا وواحد ماشى زعلان وواحده ماسكه فى شعر اختها

ازاى مش هنا ولا عمره هيكون هنا فى النجع بتاعنا احنا عيله والكلام ده مبيحصلش فى العيله

من هنا لازم تكون لنا مع بعض واقفه صح لازم نتصالح مع نفسنا ونتصالح مع بعض ننسى اى مشكله شخصيه بينا علشان نكمل مع بعض

وانا اولكم هبدأ بنفسى انا فى خلال الفتره اللى قضتها معاكم حصلت معايا مشكلتين الاولى مع اسلام 86 ودلوقتى بقينا اكتر من الاخوات حقيقه

والتانيه مع ابو اسكندر اللى بحترمه جدا وبقدره بس معرفش ان كان بيكرهنى ولا حاجه الله اعلم بس انا مسامح ( ده لو ليا حق )

علشان انا يمكن اموت دلوقتى مش عايز حد يكون زعلان منى واكون سايب سيره حلوه مش بعيد انى اموت ما (ايمن الصعيدى وصل) مات وهو معانا

مين عليه الدور فينا يا ترى

ياريت اى حد مزعل حد يدخل هنا يصالحه محدش يعرف كمان نص ساعه هيحصل ايه

ياريت يا جماعه الناس كلها مشدوده ده مسحلى رد وده مسحلى موضوع وده استهزء بيا

لا

والف لا

مش احنا

احنا عيله فعلا عيله النجعاويه