على الأرض العيال قاعدين ..!!

وشوشهم زفــت .. هدومهم طيــــن

وغاوية عـــــلام

ولاد مين دول يا سيدنا البيه .. ؟

وليه ع الأرض قاعدين ليه .. ؟

ده إسمه كلام .. ؟


ولاد سقا .. بيتلقى .. مساعدة من الحكومة ريـــال .. ؟

ولاد بواب .. قعد ع الباب .. يراقب كافة الأعمال .. ؟

ولاد أستاذ .. فقط يتعاز .. إذا سير العيال بطال .. ؟

ولاد قاعد على الكرسي .. موظف في الطابور منسي .. طويل البال .. ؟

ولاد شغالة في العمارات .. بتخدم كل يوم ستات .. بتتمنى يروق الحال .. ؟

ولاد مأمور .. مهوش مأمور على عسكر

يقوم ليلـــه عشان غيره .. ينام أكتر .. ورزقه حلال .. ؟


ولاد الفقرا والمساكين .. متسألنيش كتير عنهم .!

عشان منهم .. أنا .. وكتير من السامعين
.






اقتباس المشاركة الأصلية اتكتبت عن طريق محمد الكريتى
ابن مين ده ونايم ليه على الرصيف

هدومه مقطعه ليه وجسمه نحيف

مالوش اهل ..... مالوش قرايب

وليه كل ايامه شتا وخريف

ايه اللى ناقصه علشان يكون انسان

ناقصه ياكل يتعلم يلبس ناقصه حنان

ليه الدنيا مرمطته ؟....

ليه بيتهان؟؟

عرف طريق السيجاره والدخان

شم كله عرف طريق الادمان

امسك السيجاره واكتب

من اول السطر

بكره تلاقيه مسطح فوق قطر

وييجى الآجل

ينزل تحت العجل او يخبط فى كوبرى

اتعلم يعيش بقسوه

ويموت اكنه كلب ولا يسوى

علشان عاش فى حضن الشارع

كان ممكن يبقى فنان وبارع

ممكن لو اتلحق من الاول

قبل ماياخد لقب متسول