يااااااااااااااااااااااه

بجد انا هنا تاني

بجري في ربوع النجع بتاعنا

مش مصدق نفسي

النجع كبر اوي واتملى بيوت

منها بيوت كتير مهجوره عششت فيها العنكبوت (منهم بيتي للاسف)

الاول قلت اعدي على بيوت اصحابي القدام

بيت فلانتينو لقيته مهجور بس مش هياس هسيبله رساله على باب البيت علشان يعرف اني رجعت النجع
بيت هاميس برضه مهجور بس ده مهجور من زمان اوي يمكن من قبل انا ما امشي من النجع وبرضه حطيت على الباب رساله
بيت اسامه احمد يوووووووووه مهجور هو كمان انا بدات اتعب بجد بس اكيد لازم اسيب له رساله على الباب يمكن يرجع هو كمان
بيت حمد عارف قبل ما اروح عنده انه مهجور بس الامل يلعب بيا ورسالتي على الباب علشان لما يرجع يشوفها
بيت لومي وميزو و... و...و... و... و... كلها بيوت مهجوره وعلى كل باب سيبت رساله يمكن في يوم حد يقراها

ادعوا معايا اني اقابلهم تاني ونحكي الذكريات

وبيوت تانيه جديده اتبنت بعد انا ممشيت منها المنور ومنها المضلم _بس دول انا مش هاسيب رساله على الباب لان كل بيت في دول انا هدخله وهاخد واجب الضيافه كمان_ وكمان منها المهجور اللي الظروف مسمحتش اني اتعرف بيهم بس اكيد انا هكون موجود يوم ما يرجعوا وهرحب بيهم وهتعرف عليهم

ووصلت لاهم واحلى بيتين

بيت صلاح او صيحو بس لقيت النور مطفي وصلاح كاتب على باب البيت (آسف يا جماعه اصل الشغل مموتني) يووووووووووه يا صلاح انت لسه مشغول عموما هحط ليك رساله ولما ترجع انت عارف بيتي في النجع تنورني في اي وقت

استنوا كده البيت ده انا عارفه اصل مفيش بيت تاني مدهون بمبي ومتعلق على الباب بتاعه دباديب شكلها لذيذ اوي ومحطوط جنبه يافطه كبيره مكتوب عليها اهلا بالكل

طبعا عرفتوها

بسكوته

طبعا النور مش مطفي بالرغم انها مش جوه (اصلها بتخاف تيجي باليل وتكون الدنيا ضلمه) وفري شويه في الكهربا يا بسكوته

ودخلت بيتي طبعا مليان تراب وبيوت عنكبوت بس انا مش قادر انضف دلوقتي لان بجد مقتول وعايز انام ولما اصحى الشغل هيكون كتير

اخدت الموضوع ده وبروزته وعلقته لانه اول موضوع اكتبه بعد العوده وان شاء الله مش هيكون آخر موضوع

هنام دلوقتي ولما اصحى هيكون فيه كلام كتير مع كل الاعضاء

تصبحوا على خير