انا هاحكى القصه دى مخصوص للبنات علشان ياخدوا منها موعظه
بسم الله الرحمن الرحيم
القصه دى عن بنت كانت عامله زى الاطفال فى طهارتهم وبرائتهم مع انها فى ريعان الشباب
كانت جميله جدا بشهادة كل اللى كان يشوفها
وكانت مؤمنه اوى بالحب الافلاطونى
الحب اللى كله تضحيه للحبيب ومشاعر واحاسيس تملأ الدنيا كلها بالحب
لكن مع هذا كانت خجوله جدا
اتعرفت على شاب فى الكليه اكبر منها بسنه وصرح لها بحبه وكتبلها اشعار ووووووو
البنت حبيته من كل قلبها وبقى عندها الدنيا وما فيها
واهلها عرفوا بالموضوع وطبعا انتم عارفين الباقى من الاهانه والضرب وووووووووووو
وبرضو فضلت البنت تحب الشاب جدا واتواعدوا على الجواز بعد ما تتخرج البنت
وفعلا البنت اتخرجت واتقدم لها الشاب
لكن للأسف اترفض من كل اهلها رفض جامد جدا لإن مرتبه كان صغير جدا
ومش يقدر يفتح بيت :to2to2:
لكن البنت أصرت اصرار كبير جدا واتحديت كل اهلها علشانه
و مع الاصرار الجامد ده ووقوف والدتها جنبهم اتخطبت البنت للشاب وساعدتهم والدتها كتير جدا ماديا خلال الخطوبه حتى فى الشبكه
وفعلا تم الجواز
وعاشت البنت ديه مع الشاب حياه سعيده جدا
لكن للأسف السعاده دي مادمتش اكتر من شهرين :crying:
ووبدءت المشاكل تدخل حياتهم وتنهار كل المعانى الجميله
بسبب اهله وضعف شخصية الزوج ومشكله ورا مشكله والبنت مستحمله يا عينى
على امل ان زوجها يتحرك ولو مره واحده ويدافع عنها بلا اى فائده للأسف
ومع المشاكل اللى كانت البنت فيها والاهانه اللى كانت بتسمعها بودنها
مش لها بس لأ ولوالدتها كمان مع انها الانسانه الوحيده اللى وقفت جنب الشاب
ماديا ومعنويا
ومرت الايام والشهور والبنت عايشه فى تعاسه تامه من اهل زوجها
لدرجة الطعن فى الشرف وانهاريت البنت فى اليوم ده
ومالقيتش حد يقف جنبها الا واحد بس
هو ربنا سبحانه وتعالى
لأنها عمرها ما عرفت اى حد من اهلها بالتعاسه اللى هى عايشاها
بالعكس كانت علطول تقول الحمد لله
ولجأت البنت لربنا وبكت كتير اوى فى اليوم ده وصليت ودعيت لربنا كتير
انه ينجدها من الهم والحزن
وفعلا استجاب ربنا للبنت والزوج جاله سفر للخارج
وسافر الزوج والبنت رجعت عند اهلها بابنها حتى يرجع الزوج
وبدءت البنت ترجع لحالتها الطبيعيه لكن للأسف
دوام الحال من المحال ماتت الام واضطريت البنت تروح تقعد عند اهل الزوج
اللى عاملوها بمنتهى القسوه والاهانه لها ولوالدتها المرحومه
وكانت اقل من خدامه فى البيت بس خدامه من غير اجره
وفضليت عل الحال ده 4 اشهر من التعاسه الى مجىء الزوج
وجيه الزوج فطبعا اهله قاموا بالواجب معاها واشتكوا منها مر الشكوى
لكن الحمد لله الزوج خادها معاه
والحمد لله اصبحت حياتها شبه مستقره وكل دعوتها ان ربنا يهدى اهل الزوج
ويعاملوها كبنت لهم

وشكرا

انا عارفه انى طويلت عليكم لكن نفسى كل شاب وفتاه يتعلموا من القصه ديه
حاجه تفيدهم فى حياتهم مستقبلا