بالعامى الفصيح(2)



قنبلة واحدة لا تكفى
______________________

يومياً وانا ماشية ف الشارع المؤدى للمترو بتمنى لو ارجع تانى يوم وملاقيهوش ولو اننا بكدا

هنفقد مصدر مهم لتكفير الذنوب يوميا وطبعا مش هوصفه لانه اكبر من الوصف الصراحة

لحد اما ف يوم سبحان الله لقيناه مرصوف ( يا اولاد الايه عملنهالنا مفاجاة باين )

والحمد لله الرصف خلاه اجمل واجمل بحيث زاد ارتفاع منحدراته وتعريجاته وبقيت وانا ماشية هناك بستعد لاى حادثة

وبقيت اقول ف نفسى الشارع دا مفيش حاجة هتصلح حاله لا رصف ولا تصليح

الشارع دا محتاج قنبلة

ايوووووووووة قنبلة كبيرة يعنى حجم وسط كدا اصغر م النووى بشوية بس عشان تقضى الغرض بالظبط

ياااااااه تصورو لو كان حل كل مشكلة بقنبلة دا كان زماننا كلنا مولعين الدنيا

هروح بقى ارمى ع دكاترة كليتنا طبعا بقنبلة كومبو حجم مخصوص

وهرمى ع سواقين المواصلات وع الناس اللى موقفانا طوابير واشوف العطلة جاية منين وارمى فيها وانشششن

يانهااااااااار ابيض دا انا محتاجة اروح ايران اجيب تانى عشان لو عديت كل الغلط اللى حوالينا هلاقى

ان قنبلة واحدة عمرهاااااااا ما هتكفى