كارثه

يا جماعه انا عاوزه اتناقش معاكو في مشكله اكبر من اننا نقول عليها مجرد مشكله
لانها بكل بساطه بتقول ان مش بس شبابنا ضايع
دا حتي الاطفال وكباااااااااار السن
مبقاش في في دماغنا غير قله الادب
والفساد تمكن من عقولنا لدرجه افسادها


في مكتب الاخصائي الاجتماعي بأحد المدارس_ الأبتدائيه_
ثلاث مشكلات تتوالي علي المكتب في يوم واحد

المشكله الاولي يا ساده
ولدين بالصف الثالث الأبتدائي حاولو اغتصاب زميلها بالفصل
ايوا
اتنين في تالته ابتدائي حاولو يغتصبو زميلهم
لكن احد مدرسين المدرسه ادرك الموقف وانقذ الطفل

طبعا المشكله مش بس في الموقف
المشكله في ان تفكير اطفال لم يتعد سنهم العشر سنوات يوصل للمرحله دي من التفكير
بل ويتعداها الي التنفيذ
يا ترا دا يدل علي ايه؟
والحل ليه ايه؟






المشكله الثانيه

مدرس بالمدرسه سنه قارب الستين
وحضرتو دايما ماسك السبحه والمفروض انو مبيفوتش فرض
الاستاذ اتعرف عنو انو بيكلم البنات عن الزواج وما هو الزواج
فاهميني طبعا
مش دي المشكله
المشكله ان الاستاذ المبجل دخل حمامات البنات وحاول التعدي عليهم
كارثه طبعا
لكن برضو قام عده مدرسين اثناء مرورهم بالمكان بتدارك الموقف
تقولو ايه علي المشكله دي


المشكله الثالثه

دي بئي بالنسبه للاتنين اللي فاتو تعتبر سهله شويه
وهيا ان ولد بالمدرسه قام بتقبيل زميله له رغم عنها
وطبعا اشتكت
واتحول بدوره لمكتب الاخصائي الاجتماعي



ثلاث مشكلات في يوم واحد
كل منهم تقول بكل صراحه
عليكو العوض يا اهل مصر


يا جماعه ايه الحل؟
ايه اللي وصلنا لكدا
انا لحد دلوئتي مش مستوعبه كل دا

ايه وصل اطفالنا لكدا وعجائزنا لكدا


انا عارفه ان الموضوع شائك
ومش كويس اوي للمناقشه
بس هنسكت لحد امتا
لحد ما نبئي احنا كمان كدا
لا يا جماعه
احنا لازم نشوفلنا حل