مالناش نصيب فى الهوى

قلبى انجرح يا ناس

وهيعمل ايه الدوا

فى قلب انكوى وخلاص

جربنا مره الحب

قولنا حب عمرنا

مالقينا الا غلب

ومرار تعب قلبنا

ياغايب عنى وناسينى

تعالى شوف حالى

مررت ايامى وسنينى

ان كان يرضيك اللى بيجرالى

تعبت ومفيش جهد اكمل

ايامى كلها عذاب وجراح

من المر مش قادر اتحمل

ريحنى دانا نفسى ارتاح

ايه اخره عذابى

ولحد امتى هتمرر

ضيعت سنين شبابى

ولا يوم عن يوم بيتغير

بقى هو ده نصيبى يا هوى

احب والحبايب يفوتونى

ويضيع عمرى فى الهوا

وانا بسأل فاكرنى ولا نسيونى

مش عايز الحب تانى

خلينى كافى خيرى

خلينى اعيش انانى

مش هفكر يوم فى غيرى

وكفايه اللى شوفته معاك

كفايه يا هوى

هقفل باب وشباك

يجيلى منه الهوا