[size=15pt]لولو واللؤلؤة


قصة جميلة للكتاكيت

لولو واللؤلؤة

كان يامكان ..ياسعد يا إكرام ..ولا يحلى الكلام إلا بذكر النبى عليه الصلاة والسلام

(عليه الصلاة والسلام)


كان فى بنت جميله لطيفه رقيقه إسمها لولو النسمه الحلوة بتطير شعرها الناعم على خدها الصغير.. لولو راحت البحر مع ماما وبابا

وهى بتتمشى على الشط بصت بعنيها على الرمله ..لقت حاجه كدة صغيرة بتلمع ..مدت ايدها واخدتها ..نفضت الرمل من عليها وبصت لها


إيه دة دى حلوة اوى وبتلمع !!!!!


طلعت لولو تجرى على مامتها :


لولو:بصى ياماما انا لقيت ايه !!! دىحلوة اوى وبتلمع

الأم :ممممم بصىيالولو ياحبيبتى دى اسمها لؤلؤة ودى رزق ربنا بعتهولك حافظى عليها كويس علشان تفضل تلمع كدة على طول.

بس لولو لما راحت البيت كانت فرحانه اوى اوى بجمال اللؤلؤة وكان نفسها كل الناس تشوف قد ايه اللؤلؤة بتاعتها حلوة وجميله وبتلمع
علشان كدة لولو حطت اللؤلؤة فى مكان بحيث كل اللى رايح واللى جاى واللى طالع واللى نازل يشوفها وكانت بتبقى فى قمه سعادتها لما تسمع حد يتغزل فى اللؤلؤة بتاعتها

وبعدين 000عدى يوم والتانى 000واسبوع واتنين 000ولولو فى قمه سعادتها 000لحد مافى يوم راحت تبص على اللؤلؤة بتاعتها



ايه دة؟؟ايه اللى حصل؟؟!!!!


للأسف اللؤلؤة جمالها راح..ولمعتها انطفت


طلعت لولو تجرى على مامتها وهى بتعيط


لولو:شوفتى ياماما اللؤلؤة بتاعتى حصل لهاايه ؟؟ انا زعلانه اوى!!انا عايزة واحده تانيه ....واحدة بتلمع .

الأم :ماتزعليش يالولو ..مش انا قلت لك حافظى على اللؤلؤة دى علشان دى رزق من ربنا ...
طب ايه رأيك بقى ان انا عندى لؤلؤة أحلى وأغلى من بتاعتك دى

لولو بعد لما هدت ومسحت دمعوها:بجد ياماما!! طيب هى فين انا عايزة أشوفها


مسكت الأم إيد لولو وراحت واخدها لحد المرايا وقالت لها


الأم :بصى كدة يالولو فى المرايا هتلاقى اللؤلؤة الغاليه بتاعتى اللى ربنا بعتها لى .

لولو وهى بتبص لنفسها فى المرايا مع ابتسامه جميله :

انت تقصدينى انا ياماما؟؟!! انا لؤلؤة حلوة وغاليه؟؟!!!

الأم :طبعا يا لولو ياحبيبتى انتى زى اللؤلؤة فى جمالها ولمعانها
بس أغلى منها فى ثمنها.

لولو:يعنى انتى ياماما هتحافظى على ومش هتخلى حد خالص يشوفنى
ويقول على حلوة زىمنا عملت على اللؤلؤة بتاعتى ؟؟؟؟!!!!!

الأم وهى بتمسح بحنيه على شعر لولو الناعم
لا يا لولو ياحبيتى انا مش هحبسك بالعكس انا هخلى كل النااااااااااااااس تعرف ان عندى لؤلؤة غاليه وحلوة بس انا مش هخلى حد يقرب من اللؤلؤة بتاعتى دى علشان كدة وهى خارجه هلبسها الحجاب....
وبكدة محدش هيقدر يقرب منها ..والكل من بعيد هيشوف هى قد ايه جميله وغاليه ومحافظه على لمعانها .
نداء الإسلام


[/size]