فى الصيف وبعد ما الامتحانات تخلص لا ومش امتحاناتك انت بس بعد ما امتحانات اخواتك تخلص ،، لازم يبدا الزن على ودن باباك على شان المصيف وعلى ودن مامتك لو باباك مش موجود_بعد الشر_ ،، و اه اه لو جائت الكلمة المعهودة انه مفيش مصيف السنة دى لان فى اولويات مثلا هنجيب تكييف هنجيب كراسى سفرة جديدة...الخ

المهم يا اهالى النجع الكرام انا مصيفتش السنة اللى فاتت لان احنا كنا بنجيب تكييف ،، بس قبلها ولله الحمد كنت بصيف على طول آه كنت بصيف فى راس البر رحت مرة واحدة اسكندرية وانا عندى سنة تقريبا.

عاوزة كل واحد فى النجع يقول هو بيصيف فين على طول ويحكيلنا مواقف فى المصيف عشان انا بحب جو المصايف دة اوى

واللى بيصيف فى مارينا بقى وكدة ميتانعرش علينا ها (حلوة ميتانعرش دى)

يلا سلاااااااااااااام