فكرة الموضوع:

كل واحد فينا بتقابله مواقف فحياته يوميا بيطلع منها بدروس
مثلا:لو قابلتك مشكلة بتمر طبعا بمراحل المشكلة كلها وتتغم وتكتئب وتبقى شايف الدنيا من خرم ابرة ضيقة وحزينة وما فيهاش حد كويس وما فيهاش صاحب وكل دة ولما المشكلة بتعدى وربنا بيعينك الدنيا بترجع كويسة تانى وبتطلع نها بدرس
وحتى لو كانت التجربة تجربة حاجة كويسة مش مشكلة ولا حاجة بتستفاد منها دروس

الهدف من الموضوع:

ان كل واحد يسجل الدروس اللى بيستفادها خلال حياته النهاردة وبكرة وكل يوم
ويبقى عندنا زى ارشيف كبير من التجارب والحلول والدروس بحيث كلنا نستفاد منه
حاجة نقدر نسميها(بنك التجارب)

الفائدة:

أولا:ان الواحد لما يكتب عن الدرس الى استفاده من تجربة عدى بيها بيثبت الاستفادة عنده من الدرس دة ودة هيخليه يتجنب يقع ف مشكلة مشابهة تانى.

ثانيا:ان ساعات الواحد بيفقد الهدف نتيجه لانه بينسى المواقف اللى حصلت ف حفذته للاهدف دة فيجى هنا ويستعيدها بعد فترة فيتحفز تانى.

ثالثا:ذكرك الدروس دجى بيفيد اى حد يقرا الموضوع ف انه يتجنب الوقوع ف نفس المشاكل او يلاقى حل لمشكلته لو واقع ف مشكلة مشابهة
أو ياخد معلومة أو نصيحة كويسة تفيده ف حياته
قال (ص):(الدين النصيحة)
وقال (ص):(كان الله فى عون العبد ما كان العبد فى عون اخيه)
وقال (ص):(من فرج عن مؤمن كربة من كرب الدنيا فرج الله عنه كربة من كرب يوم القيامة)

طريقة الكتابة:

أولا:تكتب سطر ف الاول كعنوان للموضوع فيه النصيحة ف سطر واحد أو أقل
ثانيا:تكتب الللى انت عايزه كتوضيح وبراحتك خالص.
ثالثا:تكتب مختصر للتجربة اذا ما كانتش فيها حاجة حساسة وهتفشى اسرار ما ينفعش تتعرف ودا كل اما كان مختصر كان احسن.

شروط الكتابة:

أولا:النية:لازم تنوى النصيحة لاخواتك علشان تاخد الثواب وكلنا ناخده.
ثانيا:يكون درس فعلا قيم ويستاهل يرضى الله ورسوله أولا ويفيد اخواتنا.


ملاحظة:ياريت نحافظ على الترقيم(تجربة 1....2...وهكذا)

يلا بقى عايزين نعمل اكبر بنك تجارب ع الشبكة كلهاااااااا.............


وشكرا