[center]بسم الله الرحمن الرحيم[center]

لنتخيل اني ورثت 204 مليون جنية وكسور

الكسور دي هظبط نفسي بيها هاجيب بدلة ايطالى وكام كوتشي و15 بنطلون جينز بالوانة و 300 تي شيرت

دة غير 100 كرتونة شيبسي بالشطة واللمون وعلب لبان و توفي ملوكي و كراملة ملوكي برضة

و 30 كيلو جبنة براميلي و هاجيب موبايل N70 مستعمل طبعا لازززم اوفرهيا دي العقلية الاقتصادية امال الواحد لازم يفكر

وهتبرع بنص 204 مليون لسداد ديون مصر يا سلام كدة انا فرشت لنفسي فرشة معتبرة في قلب الشعب المصري

واحد اتبرع ب 102 مليون جنية لسداد ديون مصر يا سلام

ال 102 التانين هتاجر بيهم انا هتاجر في الكتب وطبعا في بلد زي مصر كلها بتقرى هكسب دهب هنزل 300 الف نسخة من

كتاب المرايا المحدبة و هعمل عرض اشتري كتاب المرايا المحدبة وخد كتاب كيف تتحدث اللغة السريالية ف 60 يوم بدون مذاكرة مجانا

وهعمل ضربة ثلاثية وانشر مذكرات دانزيل دونفاغيتش المواطن الامريكي المغمور محدش يعرف عنة حاجة خالص واكيد وزارة التربية

والتعليم هتكلمني علشان تحطها في المقرر بتاع 3 ثانوي وانا هفتري بقى هفتري جامد

وبعد كدة اعمل بوسترات ايون كل الشباب والمراهقين بيملوا اوضهم بوسترات هغرق طريق مص اسكندرية بوسترات لبان كي مون

النائب العام للامم المتحدة دة غير بوسترات حجاج عبد العظيم وحمادة شلح

وافتح مول ملابس كبير واخد توكيل ناسا في مصر طبعا المول دة مخصص في بدل الفضاء وجنبة على طول مطعم مخصص

في شوي طائر البشاروش الواحد يدخل يشتري بدلة الفضاء ويطلع على المطعم ياكل طائر البشاروش

دة انا هكسب دهب انا هقف على الفلوس كدة واشوف مملكة من اللبان