السلام عليكم

ازيك يا ريص

طبعا انت بتقري الموضوع دا

ومش طايق نفسك و لا طايقنا و لا طايق اي حد

لان الموضوع بتاعك مش موجود او اتحذف

في بعض النقاط الاول

1- اتأكد ليكون الموضوع اتنقل

ممكن يكون الموضوع بتاعك ما اتحذفش .. بس راح ركن تاني
انت ممكن تكون نزلته في ركن خطأ و مشرف نقله للركن الصح
غالبا بيكون في موضوع اسمه اعاده توجيه
بيقول ان موضوعك اتنقل للمكان الفلاني

ولزياده تأكيد
ادخل من فوق في شريط القوائم

تحرير البطاجه>>> عرض اخر الرسائل

وشوف موضوعك فيهم ولا لاء

لو موضوعك مش فيهم

2- ممكن يكون اتحذف فعلا لانه مخالف للقوانين او مكرر

الاول لازم تقري عوايد و تجاليد النجعاويه و دي الى بتنظم التعامل بين الاعضاء و نوعيه المواضيع و غيرها من الامور الى بتنظم العمل والتفاعل هنا

تأكد ان موضوعك مش مخالف للقوانين دي
وانه منسق زي ما بنقول في موضوعاعمل معروف بنعمل ايمبروف

تأكد ان الموضوع مش مكرر علشان ممكن يكون دا سبب لحذفه


علشان تقطع الشك باليقين
تقدر تعمل بحث عن الموضوع بتاعك
من الشريط الموجود فوق

لو موضوعك اتحذف فعلا
من المفترض ان المشرف يكون بعتلك رساله يبلغك الحذف
لكن نلتمس للمشرف العذر
ممكن يكون عنده ضغط كبير
او اتصل النت بتاعه بطئ ( زيي كدا )
فا ما يقدرش يبعتلك الرساله

ما تخفش
ممكن يرجع
وحقك تطلب انك تعرف هو اتحذف ليه
وحقك تعترض على الحذف و تطلب انه يرجع تاني


اول ما تعمل موضوع تسأل فيه عن موضوعك
لازم تكتب انك قمت بالاجراءات المذكوره هنا
علشان حد يتابع شكوتك
والا هيكون اول رد عليك لينك على الموضوع هنا


في نقطه اخيره بالنسبه للاختفاء المواضيع
اوقات بيحصل بعض المشاكل في الداتا بيز
وتطير المواضيع
بمعني اصح بتختفي
وبيكون بشكل عشوائي

ودي حاجه مش بإيدنا خالص