ازيكم يا جماعة ...عاملين ايه ... واحشنى اوى

مش لاقى للموضوع مكان مناسب ومن رأيى دا انسب مكان

ومش لاقى للموضوع عنوان مناسب

بس العنوان الحقيقى اللى فى قلبى اللى لغاية اللحظة دى ومش قادر اعبر عنه

المهم


كنت عند صجبى ف قعد يتكلم معايا فى موضوع كدا ف كنت قاعد اضحك واتريىء عليه

وهو النقيض تمام كان بيحكى وهو متأثر تماما



لما كلمنى صحبى دا ( بحبه موووت على فكرة ) المهم هو كلمنى على صحبه هو وقعد يقولى حاجات صحبه دا بيعملها حقيقى

ولنفترض ان صحبه دا اسمه طارق عشان بس نعرف نتكلم ونفههم بعض

طارق ( الله يهدينا ويهديه ) مدرس انجليزى عنده 28 سنة له باع كبير جدا فى عالم النت

حتى صار من أهل النت وخاض وله صولات وجولات فى عالم النت .. المهم

هكلمكم فى اخر صداقاته اللى هى دمرتنى انا شخصيا لغاية الوقت دا وانا مش مصدق حقيقى


يا عم متقرفناش بئا احكى ولخص

حاضر بالراحة من غير زق

اتعرف على بنت كأى تعارف بين ولد وبنت المهم اتعرف على البنت وطبعا طارق شد معاها ناعم عشان هى ترتاحله

وبالفعل حصل دا ارتحتله جدا

بالمناسبة اعرفكم بالبنت

عندها 20 سنة ابوها وأمها فى ألمانيا دلؤتى رجال اعمال هى مهندسة فى شركة كمبيوتر

ولها اخت تعيش معاها فى نفس البيت الا ان الحلو ميكملش

البنت دى كانت مخطوبة لواحد مبيتقيش ربنا ابدا المهم كانو قاعدين مع بعض زى اى واحد خاطب قاعد مع خطيبته

وفى غيبة من الاب والام حدث ما لا يحمد عقباه

طبعا البنت صعقت من كدا وحملت بعد ذلك منه وفى الاخر حصل مشكلة الواد خلع وسبها مع انو كان خطيبها

المهم البنت راحت عملت عملية اجهاض ومن يومها وهى عندها حالة نفسية

الحالة النفسية دى كانت صعبة جدا عندها ولما تجيلها الحالة دى يغمى عليها ولا تفيق الا بعد وقت طويل

يطلع واحد منكم ويقولى وانت عرفت منين يا بيضة

ما هى لما ارتاحت للولد دا وهو بدأ يحكى لها عن حياته شوية هى لقت منه الحنان اللى مفقتداه فى بيتها اصلا

ف طبعا هى كمان حكتله بئا على كل حاجة

المهم فى مرة جاتلها الحالة النفسية دى فى الشارع وقعت واغمى عليها اتجمع عليها الناس

ومن ضمنهم 6 شباب طبعا قالوا للناس متقلاقوش احنا هنوديها للمتشفى وربنا يسهل ان ش الله

طبعا اخدو البنت ومرحوش بيها عالمستشفى والعياذ بالله دمرو البنت فعلو معاها الفاحشة وهى مغمى عليها

طبعا فاقت البنت .. بصراحة مش قادر أكمل بجد.....

فاقت البنت لقت نفسها .........................


دى كانت المصيبة اللى نزلت عليا كالصاعقة وصحبى بيحكيلى

هل فعلا فينا احنا المسلمين شباب بالصورة البهيمية دى


نرجع لموضوعنا

حصلت معاها الحالة النفسية دى اكتر من مرة وفى بعض المرات بردو كان بيحصل كدا معاها

المهم هى اصلا كانت مرتاحة لطارق جدا ف طارق شد معاها ناعم اكتر واكتر

وحب يجرها تيجى هنا عنده وفعلا نزلت عنده ولفو شوية مع بعض جاتلها حالتها دى وهما قاعدين مع بعض

قعد يفوق فيها يفوق فيها وهى ولا هنا خالص

طبعا عندنا هنا غير القاهرة خالص المهم الناس سالوه مين دى قالهم اختى وداها المستشفى فاقت الحمد لله

وبكدا ثقتها فى طارق زادت اكتر واكتر

ومرت الايام وهم على اتصال ببعض

وفى مرة عرض عليها انهم يتقابلو هناك فى القاهرة وسافرلها القاهرة نزل عندها فى الشقة

جاتلها حالتها النفسية وهو معاها طبعا عمل ايه طارق ...... ( اصل البهايم كلهم واحد )


المهم هى القصة طويلة مع طارق والبنت دى

بس الشاهد من الكلام دا كله هل فعلا فينا احنا الشباب المسلمين مهزلة زانحط اخلاقياتنا للدرجة دى .........!!!!!

هل فعلا احنا الشباب مش جدعان للدرجادى نشوف واحدة مغمى عليها نقضى غرضى منها ونرميها .......!!!!!

ولا نطلع جدع ونشوف ايه المطلوب منى واعمل الخير وارميه البحر ........!!!!!

هل فعلا انا كنت على حق لما استغربت لكلام صحبى دا ولغاية دلؤتى مش قادر اصدق والله ان احنا وصلنا للدرجة دى ....!!!


بصراحة قصة طارق دى كبيرة جدا ذكرت منها شىء قليل قوى اللى انا عاوزه من الفصة

وللعلم طارق دا صاحب صحبى بيحكى معاه عادى يعنى وصحبى اقسم بالله كتير ان هذا حصل

وهو شاف بنفسه وهو بيتكلم مع البنت دى وشاف صورها عند طارق عالجهاز

عارف انى طولت عليكو بس والله عشان الفايدة مش اكتر

ويار ريت يا ريت اللى عنده تعليق عنده رد عنده اى حاجة يقولها

عاوز تفاعل بالله عليكم عاوزين نتغير عاوزين نغير

عاوزين نعمل حاجة

واسف جدا لو طولت بس عشمى فيكم بئا