اخوانى النجعاوية
ازيكم كلكم عاملين ايه
الموضوع اللى حبيت اتكلم فيه معاكم شاغلنى جدا واكيد شاغلكم كلكم وهو الخنازير الاجراءات اللى الحكومة بتعملها عشان تحمينا من مشاكل الخنازير ووباءها /
اولا / شكل الخنزير المقرف والظروف السيئة لتربيته فى مصر ويا سلام لو حظ واحد فينا قاعد بياكل وشاهد خبر عن الخنازير المصرية وجابوله صورتها وهى بتاكل الزبالة طبعا اكيد مش هيكمل الاكل
ثانيا /انا عرفت وسمعت ان المسيحيين فى مصر ما بياكلوش الخنازير المتربيه فىالبلد ( الخنازير البلدى يعنى ) اكيد عندهم حق لانهم لو بيكلوها كان هيبان عليهم
ثالثا /الخوف والقلق من ان اللحمة بتاعت الخنازير تنزل فى السوق على انها لحمة بقرى وانتم عارفين" الضمير فى مصر عند بعض الجزارين والبيطريين" ولكن النتيجة ان مجموعة كبيرة من الشعب هيلاحظو تغير فى طعم اللحمة حبتين واللى يلاحظ هذه الملحوظة بس يعرفنا الجزار اللى اشترى منه اللحمة عشان نتجنبه اليومين دول شوية وكمان يبقى يكتب لنا يقولنا طعمها عامل ازاى
رابعا /الخوف على مصر سببه ان الشعب يتركز فى 4% بس من مساحة البلد وده خطر جدا علينا يعنى لا قدر الله وحصل ان الوباء ظهر عندنا اكيد هيكون النتيجة كارثية وربنا يحمينا جميعا
خامسا / قرار الحكومة بذبح الخنازير انا اعتبرته قرار ادارة ازمات لان البلد مش ناقصة ولن نعمل حساب واعتبار لمنظمات دوليه زى الفاو او غيرها لانهم فاكرين ان مصر هتعدم الخنازير بسبب عقيدتنا الاسلاميه وكراهية الشعب لهذا الحيوان لكن فى الحقيقة لو حصل كده حتى للخرفان هنعدمها برضو زى الخنازير