ازاي تطفشي عريس انت مش عايزاه.. واهلك عايزينه ؟

بسم الله نبدأ الخطة سوا



1- متظهريش لأهلك عدم الرضا ... (عشان تعرفي تكملي الخطة


2- اهم حاجة فى الخطة من يوم ما تسمعي عن العريس لحد ما ييجي

...ماتنسيش تفرمي بصل كتير ولو في ثوم خيييير و بركة

طبعا انتي بتساعدي ماما ما حدش هيقول حاجة


3- طبعا النهاردة اهل العريس عايزين ييجو يشوفو (قمر الزمان) عشان كدا قمر الزمان لازم تفضل نايمة

لقبل الموعد بساعة (عشان وشها يستريح وما يبانش انه تعبان) وكدا بتكوني ضيعتي على اهلك فرصة انهم يكشفوكي


4-اهل العريس (ابو الشباب)جم... سلمي على امه بكل برود

واعملي نفسك قرفانة و شايفة نفسك

بعدها اجري نفسك على أوضتكـ ... عشان تظبطي نفسكـ امال


و يلا

نعرف خطوات احلى ميك اب لاحلى مناسبة مناسبة :



الكحل : الكحل جميل جدا على العيون ... اتكحلي ... بس خلي الكحل بعين اكتر من التانية

وكدا بتضمني تكوني... حولة رسمي



كريم الاساس: اكيد عايزين كريم اساس بس على الشفايف

كدا يبان كان عندك فقر دم..ياعيني



الشادو : طبعا الشادو هو اللي بيخبي البلاوي ...وهو اللي بيبين البلاوي

الشادو الاسود على العيون و ثقلييييييييه مع شادو اصفر على وشك بدل (البلاشر

ووكداااااااااا يبقى عندك كوليرا رسمى



و لازم تلبسي احلى موديل :جيبة( تنورة) خضرا (لون الخيار ) و بلوزة حمرا (لون الحب)


و البسي طرحة

من سنة الف و تسعمية و ستة وخمسين خشبة و السابو من العصر الحجري
تحفـــــــــــــة


5- روحي عالمطبخ عشان تأخدي القهوة ... بس اوعي أمكـ تاخد بالها من العكـ


6- امشي بكل ثقة الى غرفة الضيوف

(كل ما تكون ثقتك بنفسك اكتر تباني انك خبيرة في الأمور دي)

وكدا.... الفار يلعب بعب ابو العريس ويسأل نفسه مدام هى خبيرة كدا ليه اللي قبلنا طفشو؟


(بس الفار فى عب الاب مش كفايه... لازم يلعبلو شويه بعب العريس )


امسكي القهوة ... بصي بعيونه...واحولي عينيكي

المسكين راح يقع في الصدمة....من اول نظرة


هو طبعا من شدة الصدمة هينسى القهوة... وطعمها المريب


طبعا سيبي الرجالة يتكلمو في المهم .... اماااااااااااااااااااال


ارجعي لام العريس اللي عايزة تشوف جمال شعركـ


المرة دي مش هنعمل مقلب ... خليه حلو مافيش مشكلة ... سشوريه و زبطيه)
بــــــــــــس


اقعدي اهرشي و اهرشي و اهرشي قدامها

تخيلي انه في حديقة حيوانات في راسك


ههههههههههههههههههههههههه مسكينة طنط....ام العريس


اذا نفذتي الخطوات مية مية أأكدلك .. هتسمعي كلمة : " يا الله "

وتسمعي صوت أبوكي


بيقول للجماعة " شرفتونا" ... لانه الضيوف عايزين يفلسعو قبل ما يتدبسو ببلوة منيلة



هــــــــــــــا ايه الأخبــــــــار .... تنفع ؟؟؟


أكيـــــــــــــــد