السلام عليكم

ازيكو يا نجعاويه

انا لسه قاري خبر دلوقتى

بيقول ان الطاقة الذرية تؤكد العثور على يورانيوم عالي التخصيب في مصر


هم لقوا الاثار دي في منطقة إنشاص شمال شرق القاهرة الى فيها المفاعل النووي المصري.


وفي و كالة "أسوشيتد برس" الأمريكية بتقول انها حصلت على تقرير سري للوكالة الدولية للطاقة الذرية يفيد عثور مفتشي الوكالة على آثار يورانيوم عالي التخصيب يصلح للاستخدام في تصنيع سلاح.


مصر سنه 1981 وقعت على معاهده حظر انتشار الاسلحه النوويه

بس ما وقعتش على البروتكول الاضافي بتاع سنه 1997 الى بيدي حق للمفتشين انهم يدخلو مصر و يفتشوا اي مكان في اي وقت و بشكل مفاجئ



التقرير دا كان سنه 2007-2008

اعلنوا عنه دلوقتى

تفتكر اختفي ليه الفتره دي كلها؟؟؟

تفتكر مصر بتفكر يكون عندها سلاح نووي ؟؟؟

ولا تفتكر احنا عندنا فعلا؟؟؟

ولا تفتكر دا كلام و خلاص علشان تكون ذريعه للاعتداء على مصر؟؟

تفتكر... تفتكر... تفتكر...؟؟؟؟