قالى بحبك ...بعشقك

نفسى اجيلك اخطفك


سكت منى الكلام وكأنى تهت

اصلى اتفاجئت

بس رديت و قلت

انت عارف قبلا انا مهرى كام ؟

انا مهرى غالى ... شئ خيالى



قال لى : يعنى كام ؟! مليون فى الف*

ءامرى و اوعدك يبقى عندك ضعف


قلت له :انا مهرى اغلى ... مهرى يبقى

قلب خالى ...املاه انا بحنانى

قلب وافى .... وابدا ما يعرف يجافى

قلب يصون...يحتوينى يخبينى من كل الشجون

قلب بيشتاق ...مليان حب وغيره واشواق

تعرف تدفع مهرى يا مغرم انت ومشتاق؟



ضحك وابتسم وقال :

قلبى اهوه بين ايديكى

شكليه زى ما تحبى وتريدى

قلب وافى... خالى ... او حتى انانى

المهم مايبعدش عن قلبك ثوانى



* مليون فى الف .... = بليار جنيه ... مش وحشين يا جدعان برضو

بقلمى المتواضع
اتمنى ان تنال اعجابكم