نفسى ارجع لايام زمان تااانى

اصحى الصبح اسرح شعرى واغسل سنانى

افطر فطورى والبس فستانى

واستنى ابن الجيران ينادى

و ينادى ...

انزل جرى

نلعب ونجرى ونغنى بصوت عالى

ويجى واد صاحبه مــ الشارع الورانى

عايز يلعب معانا كده عادى

وابن الجيران يزعقلى ويشدنى من دراعى

: يالا على فوق ... مافيش لعب انهاردة تانى

طب وانا بس مالى

واطلع واخاف احسن مايلعبش معايا تانى

واجرى على امى واعيط

واقولها ابن الجيران بكانى

تبتسم لى وتضحك بصوت عالى

وتقولى بكره تنسى.... بكره تنسى

ازعل منها و اروح اوضتى

اجرى على سريرى وابكى

اصلها ماجابتليش منه حقى

واعيط لحد ما النوم يغلبنى

واصحى وانا ناسيه

ونعيد الفيلم من اوله لاخره تانى

آآآآآآآآآآآآآه يانى