بسم الله الرحمن الرحيم

هوا فية احلى من رئاسة الجمهورية

لا فية لما ابقى انا رئيس الجمهورية حاشا لله اني لكون بكره الريس ولا اي حد هيجي بعدة

وبما انها كفر الحاج ابو جمال وولده

فا انا هبقى رئيس مصر اللي مش لاقيه حد يحكمها ويرجعها لبيتها بدل السهر طول الليل في شارع الهرم وضواحيه

وبدل مانا قاعد لا شغلة ولا مشغلة

اول ما امسك الحكم هيخرج من ايدي هوديه ايدي التانية علشان انا بعرق بسرعة

و طبعا هحول نظام الحكم من الجمهورية للجمهورية برضة

واهم حاجة هعمل حملة تنظيف للبلد واشيل كل غالى وابعث السرور على كل المواطنين

ونبدا مشروعات التنمية اللي هشرف انا بنفسي عليها

اول حاجة نعمل القناة الاولى ودي هتربط مطروح بحلايب و شلاتين تقريبا

وبدل ما هما 28 محافطة هخليهم 50 محافظة واحط خمسين نسر على العلم اشمعنى امريكا يعني

و هروح على اثيوبيا واشترى جزئ من نسبتهم في مياه نهر النيل واحولها على مصر

وهعمل حاجة كدة شبه نهر النيل بس في الصحرا و هنعمرك يا مصر و طبعا كل دة هيتم في فترتين بس

انا مش عاوز اقعد اكتر من فترتين وطبعا مصر هتتنقل نقلة جامد فحط

ندخل على التعليم اللي مش راضي يتصلح انا هخلى التعليم غير مجاني لان مجانية التعليم هيا

اللي مخلية الطلبة فشلة لانه هيتوجع ف ال 500 جنية اللي هيدفعهم كل 3 سنين

وبعد كدة ندخل على الطب هبني مستشفى كبيرة جدا عل شكل هرم

هتبقى متخصصة ف كل المجالات

وندخل على الجيش و الامن لقومي انا هخلي الجيش بتاعي اربع فرق

1 سلاح المشاة
2 سلاح المهندسين
3 سلاح المدرعات
4 الصعايدة

وهعمل خطة حربية متقنة بستخدمها على طول في ريد اليرت و يوري و امبير ايرث و ايدج اوف امبايرز

و هشتري طيارات جامدة جدا ويا سلام بقى لو عملت سلاح سري

وهيكون غالبا 50 قنبلة هيدروجينة الواحدة منهم تقدر تدمر نص الكوكو

ونجهز سلاح الصعايدة باجمد العمم و اقوى الجلاليب ومع كل واحد 3 حزم قصب وشومة

وطبعا التواصل مع الشعب مهم جدا انا هعمل سايت اسمه

www.Ma7_rocky.Net

وهيبقى بمساحة 80 جيجا ودة معدل الافلام اللي شوفتها لحد دلوقتي

دة غير ان تقريبا نص الشعب على الايميل

وطبعا لازم اختار الحرس بتوعي و السكرتاريا

انا هروح امريكا واخد معايا 20 حيوان من زمايل الدراسة كلهم هيبقوا بيفكروا يعدوا 3 اعدادي ازاي

مش مهم ونروح على افخم صالة جيم يتدربوا وياخدلهم كام حقنة على كام برشامة وبقوا خراتيت

السكرتاريا واجهة الرؤساء والملوك

لما اجي اختار السكرتيرة بتاعتي مش هتبقى من مصر

لان تقريبا كل بنات مصر اعرفهم هاجيبها من اليونان

محدش يسألني اشمعن اليونان لاني اساسا مااعرفش اششمعنى اليونان

نيجي لتغير القوانين انا هخلى فية قوانين محاسبة للوزراء و الرئيس ما يقعدش اكتر من 3 فترات

وتقريبا هدمج الكم الهائل من الوزارات ف 4 اربع وزارات

1 وزارة الموارد (( الصناعة - البترول - التجارة - التموين - الكهربا ))
2 وزارة الامن (( النووي - الداخلية - الدفاع - الصحة ))
3 وزارة العلاقات العامة والتنمية (( السكان - الخارجية - الزراعة ))
4 وزارة الاقتصاد

وبكدة تقريبا فترة حكمي خلصت ماعدا 3 شهور هحوش فيهم المرتب مع مكافأة نهاية الخدمة وافتح شركة توظيف الاموال

اللي كنت بحلم بيها