السلام عليكم

ازيكو يا نجعاويه

تنفيذا لبرنامج الانتخابي للسيد الرئيس

وتماشيا مع العلاوه ال 10 %

ان شاء الله حضرتكوا احنا بنطور في الموقع كدا

عاوزين من كل واحد كدا

خمس افكار لتطوير الموقع

افكار مفتكسسسسسسه

زي مثلا لما حد اقترح جروب النجعاويه بتاع جوجل

ونبعت كل شهر مواضيع عليه

فكره الجروب ما كنتش موجوده اصلا

ولما اتعملت الحمد لله جابت نتايج كويسه

بس خلي بالللك

وانت بتفكر معانا

يا ريت الافكار ما تبقاش معتمده على الناحيه الفنيه

لان في الغالب كل الامكانيات التقنيه المتاحه مستخدمه بشكل كبير

انا عارف و نفسي.. انزل مشاركات كل عضو في التوقيع بتاعه

بس مش عارف

ما علينا

الافكار دي

لازم تكون بسيطه

واي حد ممكن يعملها

ممكن تكون افكار اداريه...

يعني مثلا العضو الى يعدي 1000 مشاركه نوقف عضويته... مثلا*

حد تاني يقلك.. انا رأي الغي الاركان الى بره

واعمل ركن مش عارف اسمه ايه ودا يبقي كدا

- في شويه مشاكل عاوزين نطور ركن معين نايم و مش عارفين نعمل فيه ايه

- حد مثلا اقترح اننا نفتح للزوار الردود

وفعلا عملت نشاط شويه


حاجات من هذا القبيل

على ان يكون اقتراح من الخمسه

متعلق بالركن البمبي

لان ببساطه

زيارات الركن البمبي تساوي تقريبا مجموع زيارات الموقع كله

تخيل و مفيش تفاعل هناك

نعمل ايه بقي يا جدعووون

غيراننا نعمل مسابقات


وكمان مش لازم تبقي اقتراحات بس

ممكن ملاحظات

يعني مثلا...

لاحظت الفتره الاخيره... في خناقات في الموقع

لاحظت ان المواضيع المكرر كترت

لاحظت ان بقي في .... كدا يعني /wik
منتظرينك


بس بعد ازنكو يا جدعون

هيبقي الردود هنا

الاقتراحات بس

وبعد ازنكم انا هدي لنفسي حق الرد علي الاقتراحات دي بس ( غتاتا )

علشان بس الموضوع ما يتقلبش مناقشه على فكره واحده او اتنين

اتمني يكون قصدي واصل