[color=#898989]
السلام عليكم




الولاد ليهم مراحل تطوور فى علاقتهم مع البنات
فى كتير بيلاحظوها ..وفى كتير مش بياخدو بالهم منها
او ربنا ياخدهم


المرحله الأولى ...
اول حاجه بعد كلام مره واتنين تلاقى كلامه بقى كويس شويه
يعنى متغير عن الأول (ياجميل) (يا قمر) واشياء من هذا القبيل
وهتلاقى كلامه بقى فيه شويه زوق و رقه وحنيه ( مناديل فلورا )
و تلاقيه مهتم اوى انه يعرف اخبارك و ايه اخر التطورات فى حياتك

زى ما قال الأخ ( عمرو دياب ) ...
"كلهم بيقولو كدا فى الأول و الكلام الحلو بيتحول "


المرحله التانيه ...
هتلاقيه اسألته كترت و كل شويه سؤال عنك عن حياتك عن أصحابك
كدا يعنى وبعدين تنتهى المرحله بالسؤال الحاسم (( انتى مرتبطه ؟؟ ))
ان ان ااااااااااااان ...
" وياعينى لو قولتلى مش مرتبطه يبقى وقعتى ولا حدش سمى عليكى "


المرحله التالته ...
بعد كدا بقى المرحله الجديده (( الأعجاب ))
يبدأ يفهمك انه معجب بيكى .. وتلاقيه عاجبه كلامك اوى
حتى الكلام الى انتى متأكده انه رخم
وبيشكر فى كل حاجه تعمليها ..
وتلاقى كلام غريب جه ف النص كدا ( وحشتينى - اللى بحبهم - ...... )

طبعا هنا احنا تقال ومكبريييين برضو ولا فاهمين حاجه


المرحله الرابعه ...
زهق بقى من دور الهبل اللى انتى سايقاه دا
ف يقول اجيبها بصراحه بقى .. ويتشجع ويشرب شاى بلبن
ويقولك .. "تتجوزينى يا سنيه" وطبعا سنيه هتوافق

" حسره عليها يا حسره عليها " مكانش يومك يا سنيه ..


المرحله الرابعه ...
خلاث الباشا اطمن بقى ان سنيه بتحبه ومافيش اى مشاكل
فين "الحمشنه " كل يوم رايحه فين ؟؟ بتكلمى مين ؟؟
متكلميش دا ؟؟ متعرفيش دى ؟؟؟

بيرسم الغيره بقى ... وعااااااااايش


المرحله الخامسه ...
"الباشا" مل و زهق و "سنيه" مراقبه تحركاته وبقت بتحاسبه
على كل التصرفات .. يبدا فى الطريقه الجديده (( الوش التانى ))
كل كلمه بخناقه .. كل يوم تلكيكه جديده .. كل ما تدور عليه يطلع بحجه
كنت فين يا استاذ ؟؟ .. كنت مع اصحابى عند سعادتك مانع؟؟؟
طبعا الرد منطقى جداا هتقولى ايه بقى ؟؟؟ تلمى الدور وتجرى ناعم
احسنلك من زعل 3 اسابيع




المرحله السادسه والاخيره ...
ايه الموضوع طول اوى كدا .. مش هنخلص بقى ولا ايه
وبعدين البنت دى مش هى اللى انا اتمنيتها ..
لالالا انا فى دماغى تصور تانى خاااااالث للبنت اللى هرتبط بيها
. يبقى نشتغل فى فيرب خلعووون

وسمعنى سلام بودعك

هيا دي المراحل المسلم بيها ممكن تزيد

اوعا اشوف رد بنت هنا* *