السلام عليكم

ازيك يا ريص

يا رب تكون بيخيرا

بص بقي يا ريص

قبل اي حاجه لازم تقرا اعمل معروف.. بنعمل ايمبروف


قريته خلاص

تعلالي يا حلو

بص .. الاول انا بعترف ان في مشكله حصلت بسبب الركن دا

لان كان في سوء تفاهم في المعني المقصود

وبقي يتنقل ليه مواضيع كتير جدا

بس احنا هنفسفر واحده واحده

الركن دا مرحله انتقاليه لحذف الموضوع

وهو مخصص لنوعين

النوع الاول

المواضيع المكرره

ودي مفهاش كلام انها تتحذف...

النوع التاني

المواضيع الغير منسقه

يعني ايه موضوع غير منسق؟؟؟
انا ما بعرفش انسق؟؟؟
ايه لزمه التنسيق؟؟؟
يا عم هو انا فاضي؟؟؟
معنديش حس فني ؟؟؟
يا عم كبر؟؟؟

دي تعليقات كاتير ممكن تتقال في وضع نزول الموضوع

المشكله ان التنسيق اتفهم بشكل خاطئ

انا واحد من الناس ما بعرفش انسق المواضيع بتاعتي

بس ايه الفكره؟؟؟

الفكره من التنسيق هو ان محتوي الموضوع يكون سهل في الوصول للقارئ

ما يحسش بالملل او التعب اثناء القرأه

<<<خدت بالك من النقطه دي...>>>

يعني في حد هيحس بالملل من موضوع 10 اسطر مش منسق ( خلي بالك احنا بنقول مش منسق مش بنقول مش ملون )

يعني لو موضوعك موضوع كبير

ومحتواه مليان حاجات ممكن و فقرات

ايه المشكله لو اديت لكل عنوان لون احمر

بس يا عم

كدا انت نسقت موضوعك

((( بس عنوان كل فقره اديها لون ))))

---

طيب مفيش عناوين عندي

يا عمي ما تصعبهاش

ادي فقره لون و الفقره التانيا لاء
بص شوف الموضوع الجاي دا كدا


الموضوع: قصه حياه احمد

استيقظ احمد من النوم

نزل احمد من على السرير

شرب احمد اللبن

احمد اخد دوش

احمد رجع الدوش تاني

احمد راح المدرسه

احمد رجع من المدرسه

خلاص كفايه احمد


اعتبر كل سطر من الموضوع الفاشل دا

انه فقره في موضوعك

وهي عباره عن عشره اسطر

ايه المشكله تدي كل فقره لون

ويا عم نفس اللون

مش محتاجه خالص اي مجهود

ومش هتاخد 10 ثواني


- مثلا و انت بتكتب لينك ليه ما تخلهوش كلمه كدا


----

طيب موضوعك قصير ومفهوش فقرات؟؟

يا جدع ايدله حته تنصيص كدا

لو قصير مش هيتحذف علشان التنصيص

والمشرف غالبا هيخش يعمل الحركه دي

بس ايه المشكله

هوب بقي متنصص

في موضوع الى قلت عليه في بنعمل ايمبروف

انا قعدت فيه يومين انسق الى

والحمد لله ربنا كرمني و مشاهداته عاليه جدزا


موضوع قاموس تفسير الاحلام


تخيل لو مكنتش مدي لكل كلمه لون

كان هيبقي سايح جدا

وصعب اوي الوصول للمحتوي

موضوع زي دا لو منزلش منسق ( مش متلون ) لازم يتنقل للكخه

------
طب اشطه الكلام دا

بس بقي في حاجه... انا كنت بدي الموضوع بتاعي لون احمر مثلا و لا ازرق

وبرضوا بيتنقل!!!


يا عمي رنكز كدا

هو ايه الفرق ان الموضوع يكون مكتوب بخط اسود ولا بمبه حتي

الفكره في التقييم للموضوع انه منسق ( سهوله الوصول لهدف الموضوع )

علشان الدنيا ما تبقاش سايحه عالفاضي


انضر سطاند مي يا معلم؟؟؟


يا ريتز اي حد عنده بروبليمه ولا زوء تفاهم يقولنا

واسفين لو اي سوء تفاهم حصل في الفتره الى فاتت