عايزاكم تقولوا رأيكم فى الموضوع اللى انا هقولكوا عليه::

اخت زميلة ليا فرحها قريب وانشاء الله هيتعمل فى قاعة افراح وزى ما انتوا عارفين ان هيبقى فيه اغانى و رقص (زى كل الافراح)

المشكلة ان اختها الصغيرة اللى هى زميلتى مش عايزة تحضر الفرح لانها عارفة ان الاغانى حرام
وقالت ان عيلتها كدة مش مسلمة وانا بحاول اقنعها ان كل الافراح بيحصل فيها كدة وهى مش موافقة وقررت انه لو فيه اغانى مش هتحضر
واختها مصممة تعمل الفرح كدة وكل الاقارب موافقين ،هى الوحيدة اللى معترضة

هى مش عارفة تعمل ايه،واختها هتزعل لو ما حضرتش ،وهتبقى عيبة كبيرة جدا ان اختها الصغيرة ما تحضرش

عايزة اعرف رأيكوا ايه فى الموضوع ده